Барои ҳудудҳои махсус муҳофизатшавандаи табиии Тоҷикистон бо забонҳои русӣ ва англисӣ шиносномаҳо таҳия карда шудаанд

Январь 31, 2023 20:07

ДУШАНБЕ, 31.01.2023 /АМИТ «Ховар»/. Ба ҳудудҳои махсус муҳофизатшавандаи табиии Тоҷикистон, назири мамнуъгоҳҳои давлатии «Бешаи палангон», «Дашти Ҷум», «Зоркӯл», Боғи миллии «Ширкент», «Боғи миллии Тоҷикистон», Парки табиии «Сари Хосор», Резервати биосферии «Ромит» ва барои 14 парваришгоҳ бо забонҳои русӣ ва англисӣ шиносномаҳо таҳия гардидаанд.

Тавре Раиси Кумитаи ҳифзи муҳити зист Баҳодур  Шерализода  имрӯз дар нишасти матбуотӣ гуфт, “шиносномаҳои мазкур аз ҷониби  Маркази миллии амалҳо оид ба ҳифзи муҳити зисти Кумитаи ҳифзи муҳити  зисти назди Ҳукумати ҷумҳурӣ омода карда шудааст”.

Инчунин мутахассисону кормандони Кумита бо мақсади беҳтар намудани ҳолати ҳудудҳои табиии махсус муҳофизатшаванда ва ҳифзи ҳайвонот тадбирҳои зарурӣ андешида, дар фасли зимистони соли 2022 мунтазам чорабиниҳои биотехникӣ гузарониданд. Дар натиҷа зиёда аз 125 тонна маҳсулот дар маконҳои сукунат ва ҷамъшавии ҳайвоноти ваҳшӣ ҷойгир карда шуд. Мониторинги биологӣ ва омӯзиши ҳолати табиии намудҳои нодири олами ҳайвонот дар ҳудудҳои табиии махсус муҳофизатшаванда нишон дод, ки ҳолати зимистонгузаронии онҳо муътадил мебошад.

Бо натиҷагирӣ аз фаъолияти Кумитаи ҳифзи муҳити зист Баҳодур Шерализода афзуд, ки ҳамзамон соли  сипаригардида хатсайрҳои сайёҳӣ дар шакли электронии замимаи мобилии Резервати биосферии «Ромит», Боғи табиии «Ширкент» ва ноҳияи Мурғоб бо нишон додани иншооту ҳудуди шаҳру ноҳияҳои Рӯдакӣ, Файзобод, Роғун, Панҷ, Дӯстӣ, Шаҳритус, Қубодиён, Хуросон, Носири Хусрав, Балҷувон ва Данғараи вилояти Хатлон ҳисоботи саршумори гӯсфанди бухороӣ гузаронида шуд.

Таъкид карда шуд, ки таҳлили фаъолияти Кумитаи ҳифзи муҳити зисти назди Ҳукумати мамлакат  дар соли гузашта бозгӯи он аст, ки мақомоти соҳавӣ дар ҳалли мушкилоти ҷойдоштаи экологӣ, татбиқи барномаву нақшаҳои миллӣ, тақвияти назорати давлатӣ, рушди ҳамкории байналмилалӣ, баланд бардоштани сатҳи маърифати экологӣ  тадбирҳои зарурӣ андешида, ба натиҷаҳои назаррас ноил гардидаанд.

Марзия САИДЗОДА,
АМИТ «Ховар»

АКС аз манбаъҳои боз

Январь 31, 2023 20:07

Хабарҳои дигари ин бахш

Дар Лондон масъалаи ба «Амонатбонк» додани нуфузи байналмилалӣ баррасӣ шуд
Дурнамои нишондиҳандаҳои рушди иҷтимоию иқтисодии вилояти Хатлон ва шаҳри Душанбе муаррифӣ гардид
Форуми соҳибкории Тоҷикистону Туркманистон доир мешавад
Дар Форуми сармоягузории Ҷумҳурии Тоҷикистон ва Британияи Кабир маҳсулоти ватанӣ муаррифӣ мегардад
Дар Душанбе Форуми сармоягузории Тоҷикистону Озарбойҷон баргузор мешавад
Байни Вазорати нақлиёти Тоҷикистон ва «China Road and Bridge Corporation» ба маблағи 31,2 миллион доллар қарордод ба имзо расид
Дар ноҳияи Бобоҷон Ғафурови вилояти Суғд кишти чигит оғоз гардид
Кишоварзони Тоҷикистон имсол дар 26 936 гектар зироати равғандиҳанда кишт ва парвариш менамоянд
«НАВРӮЗ-МЕРОСИ ФАРҲАНГИИ САЙЁҲӢ». Дар доираи ин фестивал имконияти сайёҳӣ ва фарҳанги миллии тоҷикон муаррифӣ карда шуд
ҶУФТБАРОРОН. Ин маросим дар Наврӯз аз оғози кишту кори баҳорӣ башорат медод
РАВАНДИ ОБИ ДУШАНБЕ. Ҷомеаи ҷаҳон аз Конфронси оби СММ-2023 интизориҳои зиёд дорад
Дар ноҳияи Шаҳринав намоиши техникаи кишоварзӣ гузаронида шуд