Дар «Фахробод» тамринҳои муштараки зиддитеррористии ҷузъу томҳои таъйиноти махсуси Қувваҳои Мусаллаҳ баргузор гардиданд
ДУШАНБЕ, 03.01.2023. /АМИТ «Ховар»/. Дар доираи «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025» дар машқгоҳи «Фахробод»-и гарнизони Хатлон тамринҳои муштараки зиддитеррористии ҷузъу томи таъйиноти махсуси Қувваҳои Мусаллаҳи Ҷумҳурии Тоҷикистон дар се марҳила доир карда шуданд. Дар ин бора ба АМИТ «Ховар» дар Вазорати мудофиаи кишвар хабар доданд.
Мақсад аз баргузор гардидани машқҳо- асосан танзими ҳолати низомӣ ё таҳти назорати мақомоти ҳифзи ҳуқуқ гирифтани тартиботи ҷамъиятиву ҳуқуқӣ, бурдани амалиёти муштараки махсус, ҳаракати ҷузъу томҳои асосӣ, ҳамчунин таъқиб ва нобуд сохтани гурӯҳҳои ғайриқонунии силоҳбадаст буд.
Барои дастгиру безарар гардонидани афроди сарҳадшикану ғайриқонунӣ мусаллаҳи мамлакат бо истифода аз техникаҳои вазнини зиреҳпӯш, авиатсияи ҷангӣ, мошинҳои махсуси замонавии зиреҳпӯш, норинҷаки дастӣ ва дигар силоҳу муҳимоти ҳозиразамони мухталифи ҳарбӣ ба сӯйи ҳадафҳои ниҳоӣ, ки таҷассумгари душманони шартӣ буданд, оташи шадид равона гардид.
Дар машқҳои мазкур унсурҳои мухталифи зиддитеррористӣ ва дигар роҳу усулҳои мубориза бар зидди афроди ғайриқонунии мусаллаҳ амалан коркарду тарҳрезӣ шуданд.
Ҷараёни баргузории машқҳои мазкур аз ҷониби Ситоди генералии Қувваҳои Мусаллаҳ бевосита назорат карда шуд.
Зимни ҷамъбасти даври ниҳоии машқҳои муштараки зиддитеррористии ҷузъу томҳои таъйиноти махсуси Ҷумҳурии Тоҷикистон оид ба таваҷҷуҳи доимии Пешвои миллат муҳтарам Эмомалӣ Раҳмон дар самти таҳкими сулҳу суботи мамлакат, амнияти давлату миллат, сиёсати дифоии кишвар, таҳдиди хатарҳои эҳтимолӣ ва боз ҳам баланд бардоштани иқтидори мудофиавии мамлакат таъкид карда шуд.
АКС: Вазорати мудофиаи ҶТ
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
