Дар ноҳияи Айнӣ ва шаҳри Панҷакент Паёми Президенти Ҷумҳурии Точикистон шарҳ дода шуд
ДУШАНБЕ, 09.01.2023 /АМИТ «Ховар»/. Паёми Пешвои миллат ҳадафҳои воқеии иҷтимоӣ, вазифаҳои нави стратегӣ, иқтисодӣ ва ҳуқуқиро фаро гирифта, барои ноил шудан ва татбиқи онҳо аз парлумон кори касбӣ ва масъулиятнокро тақозо мекунад. Ин матлабро вакили Маҷлиси намояндагон Ғиёсиддин Шарифзода зимни шарҳу тавзеҳи Паёми Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» бо аҳли Ҷамоати ноҳияи Айнӣ ва шаҳри Панҷакент баён намуд. Дар ин бора АМИТ «Ховар» бо истинод ба Мақомоти иҷроияи ҳокимияти давлатии ноҳияи Айнӣ хабар медиҳад.
Ғиёсиддин Шарифзода иброз намуд, ки зимни ироаи Паёми худ ба Маҷлиси Олӣ, Президенти кишвар муҳтарам Эмомалӣ Раҳмон иброз намуданд, ки сарфи назар аз таҳаввулоти дар иқтисоди ҷаҳон идомадошта ва таъсири манфии омилҳои берунӣ ба иқтисоди миллии мо, дар натиҷаи татбиқи самараноки ислоҳоти иқтисодӣ, амалӣ намудани стратегияву барномаҳо ва тадбирҳои зиддибуҳронӣ дар панҷ соли охир рушди иқтисодиёти Тоҷикистон ҳамасола ба ҳисоби миёна дар сатҳи 7,3 фоиз таъмин гардида, маҷмӯи маҳсулоти дохилӣ аз 71 миллиард ба 115 миллиард сомонӣ расид ва ба ҳар сари аҳолӣ 1,5 баробар афзоиш ёфт.
Ҳамчунин, Сарвари давлат ба дастгирии иҷтимоӣ шаҳрвандони эҳтиёҷманд таваҷҷуҳ зоҳир намуда, дар Паёми худ зикр намуданд, ки “…то охири соли 2022 ба 475 ҳазор шаҳрванди эҳтиёҷманди кишвар, аз ҷумла кӯдакони ятим ва бесаробон, маъюбон, оилаҳои камбизоат ва гирандагони нафақаи иҷтимоӣ кумаки молиявии яквақта дар ҳаҷми 600 сомонӣ иловатан пардохт карда мешавад…”
Ғиёсиддин Шарифзода тазаккур дод, ки мардуми заҳматкаши ноҳияи Айнӣ ва шаҳри Панҷакент дар роҳи иҷрои дастуру супоришҳои Пешвои миллат муҳтарам Эмомалӣ Раҳмон содиқонаю поквиҷдонона ҳисса мегузоранд.
Ёдовар мешавем, ки вохӯриҳои мазкур дар доираи ҳафтаи парлумонии минтақавӣ дар ноҳияи Айнӣ ва шаҳри Панҷакент баргузор гардиданд.
АКС: Мақомоти иҷроияи ҳокимияти давлатии ноҳияи Айнӣ
Рустами Эмомалӣ бо Нурланбек Тургунбек уулу мулоқот намуданд
Раиси Жогорку Кенеши Ҷумҳурии Қирғизистон дар пояи муҷассамаи Исмоили Сомонӣ гулчанбар гузошт
Раиси Жогорку Кенеши Ҷумҳурии Қирғизистон Нурланбек Тургунбек уули бо сафари расмӣ ба Тоҷикистон ташриф овард
Вакили Маҷлиси намояндагон дар Форуми байналмилалии вакилони парлумонҳои кишварҳои дӯст иштирок намуд
Истиқлолият имкон дод, ки дар Тоҷикистон ҷомеаи демократӣ, ҳуқуқбунёд ва дунявӣ интихоб карда шавад
Дар шаҳри Бӯстон вохӯрии вакили Маҷлиси намояндагон бо интихобкунандагон доир шуд
Ҳайати Парламенти Федератсияи Русия бо бинои нави Парламенти Тоҷикистон шинос гардид
Вакили Маҷлиси намояндагон Барно Саидвализода бо сокинону интихобкунандагон дар ноҳияҳои Муъминобод, Шамсиддин Шоҳин ва Ховалинг вохӯрӣ намуд
Сомонаи нави Маҷлиси намояндагон ба фаъолият шуруъ намуд
Вакили Маҷлиси намояндагон бо масъулони соҳаи маорифи шаҳри Хуҷанд вохӯрӣ намуд
Мавсума Муинӣ дар Форуми парламентҳои осиёӣ оид ба аҳолӣ ва рушд доир ба ташаббусҳои Тоҷикистон дар соҳаи захираҳои об ва иқлим сухан намуд
Дар палатаи поёнии Парлумон бахшида ба Истиқлолияти давлатии Тоҷикистон ҳамоиши идона доир шуд
