Дар Тоҷикистон нархи гази моеъ тақрибан 50% поён рафт
ДУШАНБЕ, 13.01.2023 /АМИТ «Ховар»/. Дар Тоҷикистон поён рафтани нархи гази моеъ, ки яке аз навъҳои асосии сӯзишворӣ маҳсуб мешавад, идома дорад. Онро дар ин шабу рӯз метавон дар қаламрави ҷумҳурӣ бо нархи 3,8 сомонӣ барои як литр харидорӣ кард, иттилоъ медиҳад хабарнигори АМИТ «Ховар».
Дар ҳамин ҳол, як сол пеш як литри ин сӯзишворӣ 7-8 сомонӣ арзиш дошт.
Аллакай тағйирот дар нархномаҳои ширкатҳои фурӯши гази моеъ ворид гардид.
Ва ин сарфи назар аз он,ки бар асари сармои шадид ва яхбандӣ дар роҳҳо масрафи сӯзишворӣ дар мошинҳо, аз ҷумла мусофирбарҳо зиёд шудааст.
Мирзо Умаров, яке аз масъулони таъмингоҳи маводи сӯзишворӣ дар шаҳри Хуҷанд дар суҳбат ба Sputnik Тоҷикистон гуфт, ки вориди бештари ин навъ сӯзишворӣ бечунучаро ба поёнравии нарх мусоидат намудааст.
«Вақте, ки моли зиёд ба бозор арза шавад, қимати он ба таври табиӣ поён меравад. Хушбахтона ҳоло дар аксар нуқтаҳои фурӯши маводи сӯзишворӣ (НФС) гази моеъ фаровон аст», — таъкид намуд Умаров.
Ба гуфтаи соҳибкор, сокинон аз чунин нархҳо хушнуданд, дар робита ба ин ҳаҷми муомилоти мол афзоиш ёфтааст.
Бояд гуфт, ки дар Тоҷикистон аз ҳама сӯзишворӣ талабот ба гази моеъ бештар аст. Талаботи шабонарӯзии Тоҷикистон ба гази моеъ 1,1 ҳазор тоннаро ташкил медиҳад. Зиёда аз 60% тамоми мошинҳои ҷумҳурӣ бо газ ҳаракат мекунанд ва аз ин рӯ, боло рафтани нархҳо фавран ба бозор таъсир мерасонад.
Гази моеъ ба Тоҷикистон асосан аз Қазоқистон, Россия, Туркманистон ва Узбекистон ворид мешавад.
Тавре АМИТ «Ховар» қаблан хабар дода буд, моҳи ноябри соли 2022 нархи миёнаи гази моеи воридотӣ 543 доллар барои як ҳазор метри мукаабро ташкил дод, ки нисбат ба моҳи октябр 10 доллар ё 1,8 фоиз камтар аст.
Нархи фурӯши чаканаи гази моеъ 12 декабри соли 2022 аз 5,30 то 5,40 сомониро барои 1 литр ташкил намуд, ки нисбат ба ҳамин давраи соли гузашта нархи пасттарин 1,90 сомонӣ ё ба андозаи 26,39 фоиз ва нархи баландтарин 1,4 сомонӣ ё ба андозаи 28 фоиз коҳиш ёфтааст (12 декабри соли 2021 нархи фурӯши чаканаи як литр гази моеъ дар нуқтаҳои фурӯши сӯзишворӣ аз 7,20 то 7,50 сомониро ташкил медод).
Дар ҳамин ҳол нархи гази табиӣ дар бисёре аз мамлакатҳои Осиё поён рафтааст, хабар медиҳад хабаргузории Reuters.
«Нархҳо дар Осиё бар асари ҳавои мулоим ва коҳиш ёфтани талабот поин мераванд»,- гуфт таҳлилгари ширкати Kpler Райҳона Расидӣ ба хабаргузории русии Прайм.
Паст шудани нарх «аломати он аст, ки мамлакатҳои Осиё ба мавсими гармидиҳӣ пешакӣ тайёрӣ дидаанд. Бо вуҷуди ин, зимистони сардтар аз муқаррарӣ метавонад боиси коҳиши босуръати захираҳо дар шароити истифодаи зиёди газ барои гармидиҳии манзил гардад»,- илова кард ӯ.
АКС аз манбаъҳои боз
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
