ХБА соли 2023 коҳиши нархи нафтро 16% пешбинӣ кардааст

ДУШАНБЕ, 31.01.2023 /АМИТ «Ховар»/. Хазинаи байналмилалии асъор (ХБА) пешбинӣ намудааст, ки соли равон арзиши як бушка нафт 16,2% коҳиш ёфта, ба 81,13 доллар мерасад. Дар ин хусус дар замимаи нав ба гузориши ХБА дар бораи дурнамои рушди иқтисоди ҷаҳонӣ, ки рӯзи душанбе нашр шуд, омадааст, хабар медиҳад АМИТ «Ховар» бо истинод ба ТАСС.

«Соли 2023 нархи нафт тақрибан 16% коҳиш меёбад, дар ҳоле, ки интизор меравад нархи маводи хоми ғайрисӯзишворӣ ба ҳисоби миёна 6,3% коҳиш ёбад», — навиштаанд муаллифони гузориш.

«Нархи миёнаи пешбинишуда, ки барои бозорҳои фючерсӣ то 29 ноябри соли 2022 ҳисоб карда шудааст, соли 2023 81,13 доллар ва соли 2024 75,36 долларро ташкил медиҳад», — гуфта шудааст дар ҳуҷҷат.

Ҳамин тариқ, соли оянда нархи нафт 7,1 фоиз арзон мешавад.

Ба гуфтаи ХБА, «бозорҳои ҳомилони неруи барқ нисбат ба интизорӣ зудтар ба таконҳои иқтисодӣ мутобиқ шуданд», ки дар натиҷаи низоъ дар Украина ба вуҷуд омада буд. Бо вуҷуди ин, соли гузашта «афзоиши якбораи нархи неруи барқ ва ғизо дар ҷаҳон буҳрони арзиши зиндагиро ба вуҷуд овард». Тавре дар ХБА иброз доштанд, арзиши аз интизорӣ баланди нафт, газ ва маводи ғизоии дар натиҷаи низоъ дар Украина баамаломада «метавонад таваррумро дубора афзоиш диҳад».

АКС: reuters.com