ҲИФЗИ ДАРАХТОН ДАР САРМО. Кумитаи ҳолатҳои фавқулода ва мудофиаи гражданӣ тавсияҳо пешниҳод мекунад

Январь 19, 2023 15:20

ДУШАНБЕ, 19.01.2023 /АМИТ «Ховар»/. Барфи фаровоне, ки дар қаламрави кишвар борид, сабаби сардиву сармои бесобиқа шуд ва ҳоло дар кӯчаву хиёбон дарахтони сарафканда аз барфи вазнинро дидан мумкин аст. Дар ин робита Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо истинод ба андешаи мутахассисони соҳаи кишоварзӣ тавсияҳоро ба хотири ҳифзи дарахтон дар зимистон пешниҳод мекунад. Дар ин бора АМИТ «Ховар» бо истинод ба Кумитаи мазкур хабар медиҳад.

Дарахтони ҳосилдеҳро сафед кардан зарур аст

Сафедкунӣ дарахтонро аз чунин омилҳои зараровар, ба монанди гармо ва сармо муҳофизат мекунад. Дар ҳолати аввал, ранги сафед қисми нурҳои Офтобро дар фасли зимистон инъикос мекунад. Ин намегузорад, ки решаи дарахт ба шиддат гарм шавад ва дар сардӣ ях кунад. Танаи сафедшуда инчунин пӯстро аз кафидан дар ҳавои сард муҳофизат мекунад. Ва сафедкунӣ пайдоиши шабнамро пешгирӣ мекунад.

Дарахтонро то баландии 1,5 метр бояд сафед кард. Муҳим он аст, ки оҳакро зиёд ба танаи дарахт намоланд, зеро он метавонад пӯсти дарахтро сӯзонад.

Барфи шохаҳои дарахтонро тоза кардан хуб аст

Барф дар шохаҳои дарахтон на танҳо манзараи зебост, балки қабати барф метавонад барои шохаҳо хатарнок бошад, зеро он бо мурури замон вазнин мешавад.

Дар натиҷа шохаҳо метавонанд аз вазни гарон шикананд. Барои барфро аз шохаҳо резондан шумо бояд ҷорӯби дастадор ё чӯбчаи дарозро гиред. Бо ҳаракатҳои нарм қисми зиёди барфро аз шохаҳо афтонед. Ва баъдан метавон бо  такон додани дарахт ва ё шохаҳо барфҳои боқимондаро низ резонд. Агар ин корро анҷом надиҳед, барфи обшуда ях мебандад ва ба дарахт зарар мерасонад.

Доираи наздик ба пояи дарахтро гарм кардан даркор аст

Барои он ки  решаи дарахт аз сармо намирад, доираи наздик ба пояро то баландии аз 20 то 30 см ва қутри қариб 1 метр хокпӯш бояд кард. Хок на танҳо реша, балки пояи асосиро аз сармо ҳифз мекунад.

Дарахтони ҳосилдеҳи ҷавонро пӯшондан ба манфиати кор аст

Мо бояд гарм кардани дарахтони мевадиҳандаро фаромӯш накунем. Бо фарорасии зимистон беҳтар аст, ки онҳоро бо шахчаҳои арча, баргҳои афтода, хоку намад ва ғайра пӯшонем.  Бояд гуфт, ки ҳангоми сармои сахт ҳарорати решаи дарахтон поинтар аз 4-6 дараҷа мешавад. Истифодаи коҳу хаспораҳо чун масолеҳи пӯшанда маслиҳат нест. Зеро мушҳо ва калламушу дигар ҳайвонҳои хоянда ин маводро ба зудӣ ба хонаҳои худ мекашанд.

Ҳангоми дарахтшинонӣ дар фасли зимистон бояд бештар ботаваҷҷуҳ буд, зеро танҳо риояи қоидаҳои агротехникии ниҳолшинонӣ метавонад гарави серҳосилии дарахтони шумо бошад.

АКС: КҲФ ва МГ

Январь 19, 2023 15:20

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
Дар Вилояти Мухтори Кӯҳистони Бадахшон 150 ҳазор бех ниҳолҳои сояафкану ороишӣ ва мевадиҳанда шинонида мешаванд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад