ТАҚВИМИ АМИТ «ХОВАР»: имрӯз 16 январ, душанбе, 16-умин рӯзи соли 2023 аст

8 сол пеш, 16 январи соли 2015 дар шаҳри Душанбе Созишномаи генералӣ байни Ҳукумати Ҷумҳурии Тоҷикистон, Федератсияи иттифоқҳои касабаи мустақили Тоҷикистон  ва  Иттиҳодияи  корфармоёни Ҷумҳурии Тоҷикистон барои солҳои 2015-2017 ба имзо расид.

 ***

Дар ин рӯзи соли 2018 масоили рушди ҳамкории дуҷонибаи Тоҷикистон ва Беларус муҳокима гардид.

16 ЯНВАР ТАҶЛИЛ КАРДА МЕШАВАД:

Дар Тайланд – Рӯзи омӯзгор.

***

Дар ИМА — Рӯзи озодиҳои динӣ.

***

Дар Ҷумҳурии Демократии Конго – Рӯзи қаҳрамонон.

 РӮЙДОДҲО:

16 январи соли 2009 дастаи «Регар» ТадАЗ-и Турсунзода барои ширкат дар «Ҷоми мусобиқаи Иттиҳоди давлатҳои ИДМ ва Балтика» аз шаҳри Қазон ба шаҳри  Москваи Федератсия Россия рафт.

***

8 сол пеш, 16 январи соли 2015 АМИТ «Ховар» хабар дод, ки   ҷилди сеюми «Энсиклопедияи миллии тоҷик» бо теъдоди 5 ҳазор нусха нашр шуд.

***

16 январи соли 2016 Бонки осиёӣ-инфрасохтории сармоягузорӣ расман ба фаъолият оғоз намуд. Маросими кушодашавии бонк дар шаҳри Пекини Ҷумҳурии Мардумии Чин баргузор гардид

***

16 январи соли 2002 Шӯрои Амнияти Созмони Милали Муттаҳид барои содир кардани таҳримҳо дар бораи созмони террористии Ал-Қоида ва ҳаракати Толибон, ки дар Афғонистон қарор доштанд, якдилона овоз дод.

ИНЧУНИН ДАР ИН РӮЗ …

 Соли 1989 дар Бразилия аввалин маротиба Чемпионати ҷаҳон оид ба футболи хурд баргузор гардид.