ВАО: шумораи қурбониёни ҳамлаи террористӣ дар Пешовари Покистон ба 72 нафар расид

Январь 31, 2023 09:26

ДУШАНБЕ, 31.01.2023 /АМИТ «Ховар»/.  Бар асари таркиш дар масҷиди шаҳри Пешовари Покистон на кам аз 72 нафар кушта шуданд. Тавре АМИТ «Ховар» хабар медиҳад, дар ин хусус ТАСС бо истинод ба шабакаи телевизионии Geo.tv иттилоъ дод.

Теъдоди қурбониёни ҳамлаи террористи худкуш дар масҷиди назди идораи полис дар шаҳри Пешовар ба 72 нафар расид, зеро наҷотдиҳандагон субҳидами сешанбе боз 9 нафари дигарро аз зери харобаҳо берун карданд. Гуфта мешавад, ки 150 нафари дигар захмӣ шудаанд. Қаблан дар бораи 59 кушта ва 157 захмӣ хабар расида буд.

Бино ба иттилои кормандони мақомоти амнияти миллӣ, террористи худкуш таҷҳизоти таркандаро ҳангоми намози нисфирӯзӣ дар масҷиде, ки пур аз одамон, аз ҷумла полис ва низомиён буд, ба кор даровардааст. Дар ҷои ҳодиса амалиёти наҷотдиҳӣ идома дорад ва шумораи қурбониён метавонад зиёд гардад. Гуфта мешавад, ки ҳангоми таркиш дар масҷид то 500 нафар одамон ҳузур доштаанд.

Тавре шабакаи телевизионии Geo.tv хабар медиҳад, масъулияти ин ҳамларо гурӯҳи дар Покистон мамнӯи «Таҳрик-и-Толибони Покистон» («Ҳаракати толибони Покистон»)  бар уҳда гирифтааст.

 Азиза ДАДАБОЕВА,
АМИТ «Ховар»

АКС:© AP Photo/ Zubair Khan

Январь 31, 2023 09:26

Хабарҳои дигари ин бахш

Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид