Варзишгарони тоҷик дар Чемпионати Осиё оид ба бокс миёни ҷавонон соҳиби 3 медали биринҷӣ шуданд
ДУШАНБЕ, 24.01.2023. /АМИТ «Ховар»/. Дар рӯзи 6-уми Чемпионати Осиё оид ба бокс миёни ҷавонони то 22-сола дар шаҳри Бангкоки Таиланд муштзанони тоҷик соҳиби 3 медали биринҷӣ шуданд. Дар ин бора шореҳи варзиш Муродалӣ Тешаев ба хабарнигори АМИТ «Ховар» хабар дод.
Нахуст дар вазни то 71 кг Довуд Маҳкамов аввалин медали биринҷиро соҳиб шуд. Дар рақобат барои роҳ ёфтан ба даври ниҳоии мусобиқа Довуд аз муштзани қазоқ Сабиржан Аккалюков мағлуб гардид ва натавонист, ки ба даври ниҳоии мусобиқа роҳ ёбад.
Рақобати дуюми бокс бо иштироки варзишгарони тоҷикро Абдумалик Болтаев дар вазни то 75 кг бо ҳарифаш аз Узбекистон Алохон Абдуллоев доир кард. Дар ин рақобат Абдумалик аз муштзани узбек Алохон Абдуллоев мағлуб шуда, медали дуюми биринҷиро соҳиб шуд.
Шаҳбоз Ҳаитов дар вазни то 80 кг медали 3-юми биринҷиро дар Чемпионати Осиё оид ба бокс миёни ҷавонони то 22-сола соҳиб гардид. Шаҳбоз барои роҳ ёфтан ба даври ниҳоии мусобиқа аз муштзани чинӣ Ҳалимулати Раҳеманду мағлуб шуд.
Барои муштзанони тоҷик Чемпионати Осиё оид ба бокс бо 3 медали биринҷӣ анҷом ёфт. Дар мусобиқаи мазкур 7 варзишгар- Хусравхон Раҳимов дар вазни то 57кг, Бибинишастамо Холова дар вазни то 60кг, Абубакр Муродзода дар вазни то 60 кг, Довуд Маҳкамов дар вазни то 71кг, Абдумалик Болтаев дар вазни 75кг, Шаҳбоз Ҳаитов дар вазни то 80кг ва Асадбек Маннонов дар вазни +92кг Ҷумҳурии Тоҷикистонро намояндагӣ карданд.
Ҳамчунин доварони тоҷик Акмалҷон Абдуллоев ва Меҳроҷ Умаров муҳорибаҳои чемпионатро ҳакамӣ карданд.
Ёдовар мешавем, ки мусобиқа аз 18 то 26 январ дар шаҳри Бангкоки Таиланд миёни 243 варзишгар аз 21 давлати қора доир карда мешавад.
АКС аз манбаъҳои боз
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
