БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар шаҳри Ваҳдат 92 корхонаю коргоҳи саноатӣ ба истифода дода мешаванд
ВАҲДАТ, 16.02.2023. /АМИТ «Ховар»/. Дар шаҳри Ваҳдат бахшида ба 35-солагии Истиқлоли давлатии Ҷумҳурии Тоҷикистон бунёд ва ба истифода додани 808 иншоот, аз қабили 92 корхонаю коргоҳи саноатӣ, 51 иншооти соҳаи тандурустӣ, 119 иншооти соҳаи маориф, 23 иншооти варзишӣ, 24 иншооти фарҳангӣ, 212 иншооти хизматрасонӣ, 106 бинои истиқоматӣ ва дигар иншооти мухталиф ба нақша гирифта шудааст. Чунин иттилоъ дода шуд ба хабарнигорон зимни нишасти матбуотии Мақомоти иҷроияи ҳокимияти давлатии шаҳри Ваҳдат.
Соли 2022 дар шаҳр 25 иншоот мавриди баҳрабардорӣ қарор дода шуда, дар қисми зиёди иншооти гуногун корҳои сохтмонию навсозӣ идома доранд.
Ҳамзамон зимни нишасти матбуотӣ гуфта шуд, ки ба ифтихори Солҳои рушди саноат (2022-2026) ва саноатикунонии шаҳри Ваҳдат соли 2022 аз ҳисоби соҳибкорони маҳаллӣ нуҳ корхонаи саноатӣ дар самти истеҳсоли хӯроки моҳӣ, доруворӣ, истеҳсоли равғани растанӣ, хишти пухта, қуму шағал ва сангҳои ороишию маҳсулоти сохтмонӣ ба истифода дода шуданд. Ин корхонаҳо соли 2022 бо маблағи 3 миллиону 310 ҳазор сомонӣ маҳсулот истеҳсол намудаанд.
Тазаккур дода шуд, ки дар шаҳри Ваҳдат 107 корхонаю коргоҳи саноатӣ ба қайд гирифта шудаанд. Ҳаҷми истеҳсоли маҳсулоти саноатӣ соли 2022 ба як миллиарду 178 миллиону 26,1 ҳазор сомонӣ расонида шуд, ки нисбат ба соли 2021 се миллиону 505,6 ҳазор сомонӣ зиёд мебошад.
Субҳониддини МАҲМУД,
АМИТ «Ховар»
АКС: АМИТ «Ховар»
35 СОЛИ ИСТИҚЛОЛ — 35 СОЛИ ШУКУФОӢ БО НЕРУГОҲИ БАРҚИ ОБИИ «РОҒУН». Таҳти чунин унвон чорабинии тантанавӣ баргузор гардид
Оид ба дастовардҳои соҳаи энергетикаи Тоҷикистон филми мустанад ба навор гирифта шуд
Дар Кувайт ба муносибати 35-солагии Истиқлоли давлатии Тоҷикистон чорабинии расмӣ баргузор гардид
35 СОЛИ ИСТИҚЛОЛ ВА НАСЛИ МАН. Ватандӯстӣ аз муносибати инсон ба вазифаи хурди ҳаррӯза сарчашма мегирад
35 СОЛИ ИСТИҚЛОЛ. Дар Тоҷикистон беш аз 100 ҳазор гектар замин ба аҳолии мамлакат тақсим карда шуд
Дар Сеул байни вазоратҳои саноати Тоҷикистон ва Ҷумҳурии Корея Ёддошти тафоҳум ба имзо расонида шуд
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бахшида ба 35-солагии Истиқлоли давлатӣ дар ноҳияҳои водии Рашт 825 иншоот ба истифода дода шуд
Дар вилояти Хатлон 77 фоизи нақшаи содирот иҷро шуд
Оид ба 35 ташаббуси созандаи Президенти Тоҷикистон дар соҳаи таҳсилоти ибтидоӣ ва миёнаи касбӣ конференсияи ҷумҳуриявӣ доир гардид
Дар вилояти Суғд шумораи соҳибкорони инфиродӣ бештар гардидааст
Дар Сеул ҷаласаи вазирони саноати Ҷумҳурии Корея ва кишварҳои Осиёи Марказӣ баргузор шуд
