Бозорҳои ноҳияҳои Ховалингу Мастчоҳ ва Шаҳристон навсозӣ мешаванд
ДУШАНБЕ, 06.02.2023 /АМИТ«Ховар»/. Раёсати Иттифоқи «Тоҷикматлубот» бахшида ба ҷашни 35-солагии Истиқлоли давлатии Ҷумҳурии Тоҷикистон навсозии бозори Ховалинг ва сохтмони бозорҳои нав дар ноҳияҳои Мастчоҳ ва Шаҳристонро ба нақша гирифтааст. Ин нуктаро муовини Раиси Раёсати Иттифоқи «Тоҷикматлубот» Хуршед Раҳмонализода имрӯз зимни нишасти матбуотӣ ба хабарнигорон иброз дошт.
Мавсуф тазаккур дод, ки бахшида ба ин ҷашни миллӣ «Тоҷикматлубот» корҳои ободониву созандагиро вусъат бахшида, дар дигар шаҳру ноҳияҳои ҷумҳурӣ низ сохтмону навсозии бозорҳо, муассисаҳои савдо, хӯроки умумӣ ва иншооти дигари хизматрасониро ба нақша гирифтааст.
Соли гузашта барои корҳои сохтмонӣ, ободониву созандагӣ, таъмири бинову иншоот ва хариди воситаҳои асосӣ 12,9 миллион сомонӣ маблағ хароҷот карда шуд. Аз ҷумла, барои идомаи навсозӣ ва ба истифодадиҳии бозорҳои марказии ҷамъиятҳои матлуботи ноҳияҳои Файзобод 1,1 млн сомонӣ, Муъминобод- 282,0 ҳазор сомонӣ, бозори ноҳияи Носири Хусрав- 439,1 ҳазор сомонӣ, сохтмони бинои идораи маъмурӣ ва посбонхона дар даромадгоҳи бозори марказии ноҳияи Спитамен- 256,8 ҳазор сомонӣ, сохтмони бозори чорвои ҷамъияти матлуботи шаҳри Ҳисор- 150,3 ҳазор сомонӣ ва барои таъмини биноҳои таълимии Донишгоҳи давлатии тиҷорати Тоҷикистон 598, 3 ҳазор сомонӣ ҷудо гардид.
Дар баробари ин номбурда баён дошт, ки аз ҳисоби навсозӣ ва ба истифода додани иншооти нав дар ташкилоту муассисаҳои Иттифоқи «Тоҷикматлубот» барои аҳолӣ 352 ҷойи нави кор муҳайё карда шуд. Шумораи бозорҳои соҳа 64 ададро ташкил медиҳад. Аз ҷумла, бозорҳои ҳаррӯза 34 адад, бозорҳои дар як ҳафта як рӯз фаъолияткунанда 20 адад ва бозорҳои чорво 10 адад мебошанд.
София ШОИК,
АМИТ «Ховар»
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
«ОФТОБ ДАР ХУРРАМЗАМИН». Таҳти чунин унвон бахшида ба 35-солагии Истиқлолияти давлатӣ китоби нав ба нашр расид
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
35-СОЛАГИИ ИСТИҚЛОЛИ ДАВЛАТӢ. Дар шаҳри Душанбе беш аз 6500 иншоот бунёду навсозӣ гардидааст
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар Панҷакент 40 бинои баландошёна ба истифода дода мешавад
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
САНОАТ — МУҲАРРИКИ РУШДИ ИҚТИСОДӢ. Тоҷикистон 35-солагии Истиқлоли давлатиро бо эътимоди комил, суботи сиёсӣ ва сиёсати равшани саноатӣ истиқбол менамояд
35-СОЛАГИИ ИСТИҚЛОЛИ ДАВЛАТӢ. Дар вилояти Суғд сохтмони иншооти иҷтимоӣ вусъат меёбад
ҶДММ «Ганҷи Панҷ» дар як сол имкони қабул ва коркарди то 20 ҳазор тонна пахтаро дорад
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони бинои шуъбаи Вазорати корҳои дохилӣ оғоз шуд
НИШАСТИ МАТБУОТӢ. Осорхонаи таърихии Донишкадаи давлатии фарҳанг ва санъати Тоҷикистон таъсис дода шуд
