Дар Донишгоҳи давлатии Хуҷанд оид ба ватандӯстӣ чун омили таҳкими худшиносӣ ва ифтихори миллӣ ҳамоиш доир карда шуд
ХУҶАНД, 12.02.2023. /АМИТ «Ховар»/. Дар Донишгоҳи давлатии Хуҷанд ба номи академик Бобоҷон Ғафуров таҳти унвони «Ватандӯстӣ- омили таҳкими худшиносӣ ва ифтихори миллӣ» бахшида ба қабули Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” конференсияи илмӣ-амалӣ доир гардид, хабар доданд ба АМИТ «Ховар» дар донишгоҳи мазкур.
Ректори Донишгоҳи давлатии Хуҷанд Аюб Усмонзода иброз дошт, ки «қабул гардидани қонуни Ҷумҳурии Тоҷикистон “Дар бораи тарбияи ватандӯстии шаҳрвандон” аз ҷумлаи ибтикороти дигари Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шумор меравад, ки ба сиёсати дурбинонаву хирадгароёнаи Ҳукумати мамлакат дар самти баланд бардоштани ҳисси ватандӯстии ҷавонон робитаи зич дорад».
Гуфта шуд, ки ниёзҳои ҷомеаи имрӯзи мо зарурати қабули қонуни мазкурро тақозо намуд, ки мавриди амал қарор гирифтани он дар болоравии ҳисси ватандўстии ҷавонон нақши муассир мегузорад.
“Ҳанӯз дар оғози давлатдории навини мамлакат Пешвои миллат ба неруи зеҳнии ҷавонон такя намуда, аввалин мулоқоти хешро дар ҳамин марҳилаи бениҳоят ҳассос моҳи феврали соли 1993 доир намуданд. Ҳамчунин дар аксари суханрониҳои хеш Президенти Тоҷикистон ба масъалаи ватандӯстӣ, ҳисси хештаншиносӣ, ташаккули тафаккури шаҳрвандон дар роҳи ҳифзи манфиатҳои давлату ҳукумат ба таври алоҳида ишора менамоянд, ки ин ҳам ба унвони иқдому ибтикороти тоза дар ҷомеаи мадании мамлакат эътироф гардидааст”,-гуфт ректори донишгоҳ.
Дар ҳамоиш қабули Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” аз ибтикороти шоистаи Сарвари давлат арзёбӣ гардид. Иброз гардид, ки Президенти Тоҷикистон бо эҳсоси баланд нақш ва ҷойгоҳи тарбияи ватандӯстиро ҳанӯз дар яке аз суханрониҳояшон чунин баён доштанд: “Ғояҳои ватандӯстӣ, худогоҳиву худшиносӣ, эҳтироми суннатҳои фарҳанги миллӣ, эҳтиром гузоштан ва ҳифз кардани анъанаҳои таърихӣ ва тамаддуни ниёгон, ҳама дар маҷмўъ, қисми таркибии сиёсати мо дар рушди фарҳанги миллӣ, таҳкими истиқлол ва давлатдории навини миллии мо мебошанд”.
Ёдовар мешавем, ки 24 декабри соли 2022 Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» имзо гузоштанд. Қонуни мазкур барои тарбияи шаҳрвандон дар роҳи хизмати софдилонаву фидокорона ба Ватан, ифтихор аз ниёгон, арҷгузорӣ ба рамзҳои миллӣ ва ҷаҳду талошҳо баҳри фардои боз ҳам ободу дурахшони мамлакат ва некуаҳволии рӯзафзуни халқ таҳия ва қабул шудааст.
АКС: Донишгоҳи давлатии Хуҷанд
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
