Дар Душанбе суръатбахшии раванди шомилшавии Тоҷикистон ба Низоми умумии бархурдории тиҷорати Иттиҳоди Аврупо баррасӣ карда шуд
ДУШАНБЕ, 24.02.2023 /АМИТ «Ховар»/. Суръатбахшии раванди шомилшавии Ҷумҳурии Тоҷикистон ба Низоми умумии бархурдории тиҷорати Иттиҳоди Аврупо (Generalised Scheme of Preferences Plus (GSP+) дар мулоқоти роҳбарияти Вазорати рушди иқтисод ва савдои Ҷумҳурии Тоҷикистон бо мудири департаменти Хадамоти амалиёти хориҷии Иттиҳоди Аврупо оид ба Русия, шарикони шарқӣ, кишварҳои Осиёи Марказӣ ва Созмони амният ва ҳамкорӣ дар Аврупо дар Душанбе баррасӣ гардид. Дар ин хусус ба АМИТ «Ховар» дар Вазорати рушди иқтисод ва савдои Тоҷикистон иттилоъ доданд.
Дар мулоқот таъкид карда шуд, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба тақвияти ҳамкорӣ бо Иттиҳоди Аврупо таваҷҷуҳи аввалиндараҷа зоҳир менамоянд.
Гуфта шуд, ки ҳаҷми гардиши савдои хориҷии мутақобила бо Иттиҳоди Аврупо соли гузашта 490,2 миллион доллари америкоиро ташкил дода, нисбат ба соли 2021 53,7 миллион доллари америкоӣ ё 12,3 фоиз афзоиш ёфтааст. Аммо бо назардошти захираву имконияти васеи ҷонибҳо ҳаҷми ин нишондиҳанда метавонад боз ҳам баландтар карда шавад.
Дар мулоқот ҳамзамон масъалаи ҷалби бештари маблағҳо ба соҳаҳои иқтисоди миллӣ, ҷараёни амалишавии Барномаи индикативии Иттиҳоди Аврупо дар Ҷумҳурии Тоҷикистон барои солҳои 2021-2027 баррасӣ карда шуд.
Таъкид шуд, ки дар доираи «Барномаи индикативии Иттиҳоди Аврупо дар Ҷумҳурии Тоҷикистон барои солҳои 2021-2027» бояд ба соҳаҳои иқтисоди «сабз»-у рақамӣ, зеҳни сунъӣ ва тиҷорати электронӣ афзалияти аввалиндараҷа дода шавад.
Мусоҳибон барои густариш додани ҳамкории мутақобилан судманд изҳори омодагӣ намуданд.
АКС: Вазорати рушди иқтисод ва савдои Ҷумҳурии Тоҷикистон
Намояндагони Тоҷикистон дар Конфронси глобалии Созмони озуқаворӣ ва кишоварзӣ дар Италия иштирок намуданд
Рушди фарҳанги экологӣ дар ҷаласаи Шурои экологии Иттиҳоди Давлатҳои Мустақил баррасӣ карда шуд
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
Раванди татбиқи лоиҳаи «Сохтмони лӯлаи газгузари Тоҷикистон-Чин, қисмати Д» баррасӣ гардид
БАРНОМАИ РУШДИ ПАРВАРИШИ ПАВЛОВНИЯ. Дар 72,5 гектар плантатсияҳои дарахти павловния бунёд карда шуданд
Дар хоҷагиҳои пахтакори ноҳияи Рӯдакӣ ҷамъоварии пахта оғоз гардид
