Дар Хатлон дар ҳамкорӣ бо Бонки Аврупоии таҷдид ва рушд гармхонаҳои муосир ва боғҳои интенсивӣ бунёд мешаванд
ДУШАНБЕ, 20.02.2023 /АМИТ «Ховар»/. Бонки Аврупоии таҷдид ва рушд омода аст, ки дар ҳамкорӣ бо кишоварзони вилояти Хатлон гармхонаҳои замонавӣ ва боғҳои интенсивӣ бунёд намояд. Ин матлаб зимни мулоқоти роҳбарияти вилояти Хатлон ва Бонки Аврупоии таҷдид ва рушд баён гардид, иттилоъ додан ба АМИТ «Ховар» дар шуъбаи иттилоотию таҳлилии дастгоҳи Раиси вилояти Хатлон.
«Дар ояндаи наздик ҷиҳати рушди иқтисодиёти вилояти Хатлон, фаъолияти босамари соҳибкорон, хоҷагидорон ва боғпарварон як зумра тадбирҳои муассир, аз ҷумла бунёди гармхонаҳои замонавӣ ва боғҳои интенсивиро роҳандозӣ менамоем»,- изҳор доштанд намояндагони Бонки Аврупоии таҷдид ва рушд.
Таъкид гардид, ки дар заминаи ин ҳамкорӣ соҳибкорону хоҷагидорон имкон доранд, маҳсулоти парваридаи худро ба бозорҳои ҷаҳонӣ пешкаш созанд.
Ба гуфти масъулин, дар вилояти Хатлон баҳри рушди соҳаи кишоварзӣ заминаҳои мусоид вуҷуд дошта, соҳибкорону кишоварзони вилоят метавонанд бо роҳандозии як қатор чораандешиҳо маҳсулоти сифатан беҳтарро ба бозорҳои ҷаҳонӣ пешниҳод намоянд.
Иброз гардид, ки бо фаъол гардидани бахши хусусӣ, шароити парвариши маҳсулоти кишоварзӣ, ҳамкории судманд миёни намояндагии Бонки аврупоии таҷдид ва рушд ва соҳикорону кишоварзон метавон ба муваффақиятҳои назаррас ноил гашт.
АКС: шуъбаи иттилоотию таҳлилии дастгоҳи Раиси вилояти Хатлон
Ҷалби сармоя ба соҳаи фармасевтикаи Тоҷикистон бо иштироки сармоягузорони Чин баррасӣ гардид
Тоҷикистон ва Олмон ҳамкории иқтисодию тиҷоратиро густариш медиҳанд
Хуршед Мирзо дар Форуми дуюми Тян-Шон оид ба дастовард ва иқтидори инноватсионии Тоҷикистон маълумот пешниҳод намуд
Дар шаҳри Бӯстон хати нави истеҳсолӣ ва зеристгоҳи барқӣ ифтитоҳ гардид
Ҷаласаи шарҳи маҷмуии лоиҳаҳои сармоягузории давлатии аз ҷониби Бонки Осиёии рушд маблағгузоришаванда доир шуд
Лоиҳаҳои афзалиятноки инфрасохтори нақлиётии Тоҷикистон дар «Paris InfraWeek 2026» муаррифӣ гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Ҳайати Тоҷикистон дар Форуми дуюми Тян-шон оид ба ҳамкории иқтисодӣ дар Осиёи Марказӣ иштирок намуд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
Сулаймон Зиёзода бо ҷамъоварии ҳосили пахта дар ноҳияи Ҷаббор Расулов шинос шуд
Вазорати нақлиёти Тоҷикистон барои навсозии роҳи «Балҷувон-Сари Хосор» бо ширкати чинӣ қарордод ба имзо расонид
