Дар Тоҷикистон дар доираи «Барномаи ҳамкорӣ дар соҳаи омӯзиши геологии қаъри замин барои солҳои 2023-2025» корҳо оғоз ёфтаанд
ДУШАНБЕ, 02.02.2023 /АМИТ «Ховар»/. Дар доираи «Барномаи ҳамкорӣ дар соҳаи омӯзиши геологии қаъри замин барои солҳои 2023-2025» соли равон ду вохӯрии онлайнӣ ва ҳузурӣ бо мутахассиони Русия баргузор карда шуд. Дар ин хусус сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода 1 феврал зимни нишасти матбуотӣ ба хабарнигорон иттилоъ дод.
Мавсуф тазаккур дод, ки 10 ноябри соли 2022 дар доираи ҷаласаи 18-уми Комиссияи байниҳукуматӣ оид ба ҳамкории иқтисодии Русия ва Тоҷикистон байни Саридораи геологияи назди Ҳукумати Ҷумҳурии Тоҷикистон ва Агентии федералии истифодаи сарватҳои зеризаминии Федератсияи Русия «Барномаи ҳамкорӣ дар соҳаи омӯзиши геологии қаъри замин барои солҳои 2023-2025» ба имзо расонида шуда, корҳои нақшавӣ дар доираи барномаи мазкур аз соли 2023 оғоз ёфтанд.
Мавриди зикр аст, ки дар доираи барномаи сесола мубодилаи таҷриба оид ба коркарди иттилооти геологӣ дар бораи сарватҳои зеризаминӣ (қаъри замин), мубодилаи иттилооти геологӣ дар бораи сарватҳои зеризаминӣ (қаъри замин), мубодилаи маълумот дар бораи махзанҳои меъёрию ҳуқуқӣ ва методии истифодаи сарватҳои зеризаминии Ҷумҳурии Тоҷикистон ва Федератсияи Русия, мубодилаи таҷриба дар соҳаи экспертизаи ҳуҷҷатҳои лоиҳавӣ оид ба омӯзиши геологии сарватҳои зеризаминӣ дар доираи машваратҳо ва вохӯриҳои дуҷониба, ташаккули истифодаи усули ҷазби ионӣ дар ҷустуҷӯи конҳои полиметаллӣ, ки дар сатҳи замин суст зоҳир мешаванд, ҳамкории мутақобила ва табодули таҷриба дар соҳаи таъминоти дастурамалҳои илмӣ-методӣ ва идоракунии сифати таҳқиқоти лабораторӣ, таҳия ва татбиқи лоиҳаи «Рақамикунонии истифодаи табиат ба манфиати рушди устувори Ҷумҳурии Тоҷикистон» ва ҳамкорӣ дар соҳаи ташкили геопаркҳо ба нақша гирифта шудааст.
Ҳамзамон дар нишаст доир ба татбиқи супоришҳои Ҳукумати Ҷумҳурии Тоҷикистон ва иҷрои «Барномаи давлатии рушди соҳаи геологияи Ҷумҳурии Тоҷикистон барои солҳои 2021-2030» тазаккур дода шуд, ки кормандони Саридора баҳри татбиқи он бо азму иродаи созанда фаъолият намуда, барои пешрафту тараққиёти босуръати саноати ватанӣ минбаъд низ талош менамоянд.
София ШОИК,
АМИТ «Ховар»
АКС: АМИТ «Ховар»
Дар Тоҷикистон беш аз 13 ҳазор ҳолати вайронкунии қонунгузории замин ошкор гардид
ИСТИФОДАИ САМАРАНОКИ ЗАМИН. Дар Хатлон дар 2495,7 гектар гармхонаи доимӣ ва мавсимӣ сабзавот кишт карда шуд
«MADE IN IRAN». Дар Душанбе Намоишгоҳи миллии Ҷумҳурии Исломии Эрон баргузор мегардад
Соли 2025 нақшаи андозҳо ва дигар пардохтҳои ҳатмӣ ба андозаи 115,7 фоиз иҷро гардид
То соли 2030 ҳаҷми маҷмӯи маҳсулоти дохилӣ ба 325 миллиард сомонӣ расонида мешавад
ПЕШГИРИИ ОҚИБАТҲОИ ТАҒЙИРЁБИИ ИҚЛИМ. Дар Тоҷикистон майдони дарахтони саксавул ва павловния васеъ мегардад
Дар Тоҷикистон шумораи истифодабарандагони интернет 5,2 миллион нафарро ташкил медиҳад
Байни Тоҷикистон ва Қирғизистон оид ба ҳамкории тиҷоратӣ Ёддошти тафоҳум ба имзо расид
НИШАСТИ МАТБУОТӢ. Соли 2025 ба соҳаҳои иқтисодии Тоҷикистон 57,1 миллиард сомонӣ равона карда шуд
Агентии «Тоҷикстандарт»: «Аз марҳилаи муайяни тамғаи «Нутрилон» ва «Малютка» истифода набаред!»
Тсзоу Ҷиайи: «Бонки Осиёии Сармоягузориҳои Инфрасохторӣ барномаҳои миллӣ ва минтақавии рушди Тоҷикистонро дастгирӣ менамояд»
Дурнамои ҳамкории Тоҷикистон ва Иттиҳоди Аврупо дар соҳаҳои сармоягузорӣ ва иқтисод баррасӣ гардид
