Дар Тоҷикистон доир ба ихтисосҳои интихобнамудаи довталабон феҳристи нав таҳия мешавад
ДУШАНБЕ, 07.02.2023 /АМИТ «Ховар»/. Маркази миллии тестии назди Президенти Ҷумҳурии Тоҷикистон нақша дорад феҳристе таҳия намояд, ки дар он рамз, ном, шакл, забон, маълумот оид ба факултаҳо ва моҳияти ихтисосҳо нишон дода шаванд. Чунин феҳрист имкон медиҳад, ки довталабон қабл аз интихоби ихтисос дар бораи он маълумоти васеъ ба даст оранд. Дар ин хусус Директори Маркази миллии тестӣ Сабзалӣ Ҷаъфарзода 6 феврал зимни нишасти матбуотӣ ба хабарнигорон иттилоъ дод.
Гуфта шуд, ки шумораи умумии муассисаҳои таълимии таҳсилоти миёна ва олии касбие, ки соли сипаригардида қабули донишҷӯён ба онҳо ба воситаи низоми ИМД ба роҳ монда шуд, ба 109 адад баробар аст. Ин нисбат ба ҳамин давраи соли 2021 6 адад бештар аст.
Мавсуф изҳор дошт, ки дар байни 109 муассисаи таълимӣ 39-тои онро муассисаҳои таълимии таҳсилоти олии касбӣ ва 70 адади дигарро муассисаҳои таълимии таҳсилоти миёнаи касбӣ ташкил медиҳанд.
Иттилоъ дода шуд, ки шумораи умумии довталабони дорои таҳсилоти миёнаи умумӣ ва ибтидоиву миёнаи касбӣ дар ҳарду марҳилаи бақайдгирӣ (асосӣ ва иловагӣ) барои иштирок дар ИМД-2022 номнависшуда 82 ҳазору 187 нафарро ташкил дод.
«Мувофиқи натиҷаҳои 3 озмун- тақсимоти асосӣ, такрорӣ ва такрории иловагии довталабон, инчунин дар асоси роҳхатҳое, ки Марказ дар шакли маълумотнома ба довталабон додааст, соли 2022 аз шумораи умумии довталабони дорои таҳсилоти миёнаи умумӣ, ибтидоӣ ва миёнаи касбии ба озмун роҳёфта ҳамагӣ 59 ҳазору 757 нафарашон сазовори номи донишҷӯ шуданд. Ин аз шумораи умумии довталабони ба озмун роҳёфта ҳамагӣ 87,47% -ро ташкил медиҳад»,-изҳор дошт Сабзалӣ Ҷаъфарзода.
Шаҳлои САДРИДДИН,
АМИТ «Ховар»
АКС: АМИТ «Ховар»
Озмуни байналмилалии табодули малакаҳои таълими забони чинӣ барои омӯзгорони Осиёи Марказӣ ҷамъбаст гардид
Байни Донишгоҳи давлатии Хуҷанд ва Донишгоҳи давлатии Полоски Беларус созишномаи ҳамкорӣ ба имзо расид
Дар доираи Форуми сеюми байналмилалии ректорони донишгоҳҳои Тоҷикистон ва Беларус 25 созишномаи нави ҳамкорӣ ба имзо расид
Байни Донишгоҳи давлатии ҳуқуқ, бизнес ва сиёсати Тоҷикистон ва Донишгоҳи Русия-Беларус шартномаи ҳамкорӣ ба имзо расид
Байни Донишгоҳи техникии Тоҷикистон ва муассисаҳои таҳсилоти олии касбии Беларус созишномаи ҳамкорӣ ба имзо расид
Дар Душанбе Форуми ректорони муассисаҳои таҳсилоти олии касбии Тоҷикистон ва Беларус оғоз шуд
Дар деҳаи Корвони шаҳри Ваҳдат бинои нави муссисаи таълимӣ ба истифода дода шуд
НАМУНАИ ИБРАТ. Заҳмати модар Фараҳбахши нобиноро ғолиби Озмуни ҷумҳуриявии «Фурӯғи субҳи доноӣ китоб аст» гардонид
Дар ноҳияи Балҷувон иншооти нави соҳаи маориф бунёд гардид
Вобаста ба ҳуқуқи меҳнат ва истифодаи меъёрҳои байналмилалии меҳнат вохӯрии минтақавии шарикони рушд доир шуд
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
4 нафар довталабони Озмуни ҷумҳуриявии «Фурӯғи субҳи доноӣ китоб аст» сазовори «Шоҳҷоиза»-и озмун гардиданд
