Давоми як шабонарӯз дар Тоҷикистон 69 тарма фаромадааст
ДУШАНБЕ, 17.02.2023 /АМИТ «Ховар»/. Тайи шабонарӯзи гузашта дар қаламрави Тоҷикистон 69 тарма фаромадааст. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
16 феврал дар ҳудуди ноҳияҳои Дарвоз, Ванҷ, Рӯшон, Роштқалъа, Шуғнон ва Ишкошими Вилояти Мухтори Кӯҳистони Бадахшон 44 маротиба тарма фаромадааст. Ҳаракати нақлиёт дар қитъаҳои гуногуни шоҳроҳҳои «Душанбе — Дарвоз — Хоруғ», «Рӯшон — Хоруғ», «Хоруғ — Ишкошим» маҳдуд карда шудааст.
Дар деҳаи Гожаки Ҷамоати деҳоти Ғарибшои ноҳияи Шуғнон 16 феврал бар асари фаромадани тарма як сокини 16-сола ба ҳалокат расид. Ҷасади ӯро берун оварда, ба наздиконаш супурданд.
Субҳи 17 феврал теъдоди ҳалокшудагони тарма 17 нафар буд: 16 нафар дар ҳудуди Бадахшон ва 1 нафар дар шоҳроҳи Душанбе-Варзоб.
Дар шоҳроҳи Душанбе-Чаноқ 11 маротиба, дар навоҳии Нуробод, Тоҷикобод, Сангвор ва Лахш 14 маротиба фаромадани тарма ба қайд гирифта шудааст. Корҳо барои рафъи оқибатҳои офати табиӣ идома доранд.
Субҳи 17 феврал роҳи мошингарди Душанбе-Хуҷанд муваққатан баста шуд. Кори бартараф намудани оқибатҳои офати табиӣ давом дорад. Ҳама ҷузъу томҳои наҷотбахши Кумита бар асари тағйирёбии обу ҳаво, бориши шадид ва ҳолатҳои фавқулодаи эҳтимолӣ чораҳои мукаммали хизматиро амалӣ мекунанд.
Наҷотдиҳандагони Кумита навбатдории шабонарӯзиро дар роҳи Душанбе-Хуҷанд идома дода, роҳҳои дигари кӯҳиро назорат мекунанд.
Тибқи маълумоти обуҳавошиносон, дар ноҳияҳои кӯҳии ноҳияҳои тобеи марказ, нишебиҳои ҷанубии қаторкӯҳҳои Ҳисор ва ғарби вилояти Бадахшон бар асари бориш ва болоравии ҳарорат то 19 феврал хатари фаромадани тарма, сангрезӣ ва фаромадани сел, инчунин дар ағбаҳо ва роҳҳои кӯҳӣ ба вуҷуд омадани яхбандӣ боқӣ мемонад.
Дар водиҳо ва доманакӯҳҳо эҳтимоли фаромадани туман вуҷуд дорад. Ба сокинон тавсия дода мешавад, ки аз сафар ба минтақаҳои тармафаро бо мақсади ҷамъоварии ҳезум, чаронидани чорво ва шикор худдорӣ кунанд.
АКС: Кумитаи ҳолатҳои фавқулода ва мудофиаи гражданӣ
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
