ИЛМ. Маҳсулоти аз селен бой метавонад ҳолати бемории Алтсгеймерро беҳтар кунад
ДУШАНБЕ, 16.02.2023 /АМИТ «Ховар»/. Муҳаққиқони чинӣ чанде қабл далелҳоеро пешниҳод карданд, ки маҳсулот ва ҷузъҳои аз унсури кимиёвии селен бой ҳолати бемории Алтсгеймерро (БА) беҳтар мекунанд. Дар ин хусус АМИТ «Ховар» бо истинод ба «Синхуа» иттилоъ медиҳад.
Тадқиқоти нав нишон медиҳад, ки ҷузъҳои аз селен бойшуда метавонанд илтиҳоб ва фишори оксидшавиро боздоранд. Ин метавонад иқтидори эҳтимолии ғизо барои беморони гирифтори бемории Алтсгеймер гардад.
Бемории Алтсгеймер — бемории неврологӣ мебошад, ки бо аз даст додани хотира ва паст шудани қобилияти омӯзишӣ тавсиф карда мешавад. Ин беморӣ инчунин қобилияти шахсро барои иҷрои корҳои ҳаррӯза бадтар ва сифати зиндагии ӯро паст мекунад. Дар ҷараёни омӯзиши беморӣ муҳаққиқон ба ҷузъҳои бойи селен таваҷҷуҳи бештар зоҳир мекунанд.
Гурӯҳи таҳқиқотӣ, ки ба он муҳаққиқони Институти микробиологияи Академияи илмҳои музофоти Гуандун ва дигар муассисаҳо шомил буданд, ҷузъҳои бойи селенро ҳамчун сохти эҳтимолии беҳтар кардани беморони гирифтори бемории Алтсгеймер омӯхтанд.
Ҷузъҳои аз селен бой дар бисёр растаниҳо ва микроорганизмҳо, ба монанди чиликгулҳо, сабзавот, хамиртуруш ва занбурўғҳо мавҷуданд.
Ғайр аз ин натиҷаҳои таҳқиқот нишон медиҳанд, ки гидролизи ферментативӣ ва табобати ҷисмонӣ, аз ҷумла коркарди гармӣ, автоклав ва коркарди ҷараёнҳои хурд усулҳои асосии тағйир додани хосиятҳои селен дар ғизо мебошанд.
Натиҷаҳои таҳқиқот дар маҷаллаи Critical Reviews in Food Science and Nutrition нашр шуданд.
Азиза ДАДАБОЕВА,
АМИТ «Ховар»
АКС: «Синхуа»
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
