ИСТИФОДАИ САМАРАНОКИ ЗАМИН. Деҳқони соҳибтаҷрибаи ноҳияи Қубодиён Азамат Абдураҳмонов ба ҳамдеҳагонаш ташкили дурусти гармхонаҳоро меомӯзонад
ДУШАНБЕ, 03.02.2023. /АМИТ «Ховар»/. Ҷиҳати иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба самаранок истифода бурдани замин, сокини деҳаи «Чорбоғ»-и Ҷамоати деҳоти ба номи Ишмурод Ниёзови ноҳияи Қубодиён Азамат Абдураҳмонов соли гузашта аз кишти умумӣ дар гармхонаи наздиҳавлигӣ 61 тонна ҳосил, аз ҷумла 36 тонна помидор ва 25 тонна бодиринг ҷамъоварӣ кард. Номбурда нақша дорад, ки имсол майдони гармхонаро васеъ ва шумораи кормандонро зиёд намуда, ҳосили боз ҳам бештар ба даст оварад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон хабар медиҳад.
Гармхона дар майдони 1 га бунёд гардида, бо технологияи муосири парвариши сабзавот таъмин мебошад. Дар айни замон дар гармхона 30 ҳазор бех ниҳоли помидор дар давраи гулкунӣ қарор доранд. Дар он вобаста ба мавсим то 20 нафар сокинони маҳаллӣ ба кор ҷалб мегарданд.
Мавриди зикр аст, ки иҷрокунандаи вазифаи Раиси вилояти Хатлон Давлаталӣ Саид дар ноҳияи Қубодиён зимни шиносоӣ бо фаъолияти гармхона ва таҷрибаи кишоварзии Азамат Абдураҳмонов, ки бо маҳсулоти тару тозаи гармхонаи наздиҳавлигии худ дар фаровонии бозорҳои дохилӣ саҳм мегузорад, баҳои баланд дод.
Ба Азамат Абдураҳмонов пешниҳод карда шуд, ки бунёди чунин гармхонаҳоро зиёд ва ин таҷрибаро дар байни ҳамдеҳагон тарғиб намуда, тавсияҳо диҳад то онҳо ҳам тавонанд гармхонаҳо бунёд карда, заминҳои наздиҳавлигиро самаранок истифода намоянд.
АКС: Мақомоти иҷроияи ҳокимияти давлатии вилояти Хатлон
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
