КОРВОНИ ВАТАНДӮСТӢ. Дар шаҳри Бӯстон ҷавонони синни даъватӣ бахшида ба Рӯзи Қувваҳои Мусаллаҳ роҳпаймоӣ намуданд
ДУШАНБЕ, 23.02.2023 /АМИТ «Ховар»/. Бахшида ба 30-солагии таъсиси Қувваҳои мусаллаҳи Ҷумҳурии Тоҷикистон дар қисмҳои низомии Гвардияи миллӣ ва Вазорати мудофиаи Ҷумҳурии Тоҷикистон дар шаҳри Бӯстон таҳти унвони «Корвони ватандӯстӣ» барномаҳои маърифатию фарҳангӣ, мусобиқаҳои рафиқонаи варзишӣ, аёдати модарон ва Рӯзи дарҳои кушод доир карда шуданд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Бӯстон хабар доданд.
Роҳбарияти шаҳр ва модарони таҷрибадор ҳамчун рамзи таҷлил аз 30-солагии Қувваҳои Мусаллаҳи Ҷумҳурии Тоҷикистон бо 30 адад сабадҳои маҳсулоти нониву қаннодӣ, шириниву меваҳо, ҷавонони шаҳр бо 30 адад китобҳои тазанашр, варзишгарон бо 30 адад лавозимоти варзишӣ, корвони ҷавонон бо 30 адад Парчами давлатии Ҷумҳурии Тоҷикистон ва корвони 100-нафараи ҷавонони синни даъватӣ аз назди маҷмааи варзишии шаҳр то қисмҳои низомӣ роҳпаймоӣ намуданд.
Баъдан дар толори қисмҳои низомии Гвардияи миллӣ ва Вазорати мудофиаи Ҷумҳурии Тоҷикистон, воқеъ дар ин шаҳр мулоқоти роҳбарияти шаҳри Бӯстон бо собиқадорони Қувваҳои Мусаллаҳи Ҷумҳурии Тоҷикистон, сарбозону афсарон, волидайн ва ҷавонони синни даъватӣ доир карда шуд.
Таъкид гардид, ки дар ҳақиқат Қувваҳои мусаллаҳи Ҷумҳурии Тоҷикистон ба неруи тавоно ва пуриқтидори ҳимоятгари марзу буми аҷдодӣ ва муҳофизи дастовардҳои истиқлол, оромиву суботи мамлакат табдил ёфтааст. Сарбозони шуҷои Ватан барои таваҷҷуҳ ва ғамхориҳои ҳамешагӣ ҷиҳати фароҳам намудани шароити мусоид дар сафҳои Қувваҳои Мусаллаҳи Ҷумҳурии Тоҷикистон ба Президенти Ҷумҳурии Тоҷикистон муҳтарам Эмомалӣ Раҳмон изҳори сипосмандӣ баён намуда, зикр доштанд, ки ба савганди садоқати худ содиқ хоҳанд монд.
Иштирокдорон бо хонаҳои истироҳат, китобхона, толорҳои варзишӣ ва дигар имконияти қисмҳои низомӣ шинос шуда, ба китобхонаҳои қисми низомӣ китобҳо тақдим карданд.
АКС: Мақомоти иҷроияи ҳокимияти давлатии шаҳри Бӯстон
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
