НИШАСТИ МАТБУОТӢ. Дар конҳои сангҳои ороишии Тоҷикистон 14 корхона тибқи иҷозатномаи ҳуқуқи истифодаи қаъри замин фаъолият доранд
ДУШАНБЕ, 01.02.2023. /АМИТ «Ховар»/. Дар қаламрави Ҷумҳурии Тоҷикистон зиёда аз 100 кон ва зуҳуроти сангҳои ороишӣ ва бинокорӣ ба омӯзиши геологӣ фаро гирифта шуда, дар айни замон дар конҳои сангҳои ороишии мамлакат 14 корхона тибқи иҷозатномаи ҳуқуқи истифодаи қаъри замин фаъолият менамоянд. Дар ин хусус имрӯз зимни нишасти матбуотӣ сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода дар ҷамъи хабарнигорон баён дошт.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ ба Маҷлиси Олии Ҷумҳурии Тоҷикистон 23 декабри соли 2022 иброз намуданд, ки «ҳоло, ки корҳои ободониву созандагӣ, сохтмони биноҳои таъйиноти гуногун, аз ҷумла биноҳои истиқоматии баландошёна ва иншооти иҷтимоӣ торафт вусъат гирифта истодаанд, талабот ба масолеҳи сохтмонӣ, аз ҷумла сангҳои ороишӣ зиёд гардида, як қисми онҳо то ҳанӯз аз хориҷи мамлакат ворид карда мешавад.
Дар солҳои 2021 – 2022 ба кишвар ба маблағи қариб 10 миллион доллари америкоӣ сангҳои ороишӣ ворид гардида, танҳо хароҷоти интиқоли онҳо беш аз 2 миллион долларро ташкил додааст.
Дар Тоҷикистон захираи сангҳои бинокорӣ, аз ҷумла мармару хоро фаровон аст, ки дар дохил ва хориҷи ҷумҳурӣ ба онҳо талабот зиёд мебошад».
Президенти Тоҷикистон иброз доштанд, ки бо дарназардошти имконоти зикршуда пурра ба роҳ мондани истихроҷ ва коркарди онҳо, аз ҷумла сангҳои ороишӣ метавонад яке аз манбаъҳои афзоиши ҳаҷми истеҳсоли маҳсулоти саноатӣ, таъсиси ҷойҳои кории нав, зиёд намудани содироти маҳсулот ва дар маҷмӯъ, таъминкунандаи рушди иқтисоди мамлакат гардад.
Сарвари давлат Вазорати саноат ва технологияҳои нав ва Агентии содиротро вазифадор карданд, ки якҷо бо Саридораи геология ва корхонаҳои соҳа ояндаи наздик истихроҷ ва то маҳсулоти ниҳоии сохтмон коркард кардани сангҳои ороишӣ ва содироти онҳоро ба хориҷи мамлакат ба роҳ монанд.
АКС: АМИТ «Ховар»
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
