Соли 2022 дар Фархор 80 бинову иншоот мавриди истифода қарор дода шуданд

ФАРХОР, 16.02.2023. /АМИТ «Ховар»/. Соли 2022 дар ноҳияи Фархор 80 бинову иншооти таъйиноташон гуногун ба маблағи 63 миллиону 554 ҳазор сомонӣ мавриди истифода қарор дода шуданд. Дар ин хусус зимни нишасти матбуотӣ дар Мақомоти иҷроияи ҳокимияти давлатии ноҳияи Фархор маълумот дода шуд.

Бахшида ба ҷашни 35-солагии Истиқлоли давлатии Ҷумҳурии Тоҷикистон дар ноҳия то соли 2026 аз ҳисоби ҳамаи манбаъҳои маблағгузорӣ сохтмону навсозии 400 адад бинову иншоот, аз ҷумла соли 2022- сохтмону навсозии 80 адад, соли 2023- сохтмони 75 адад, соли 2024- сохтмони 81 адад, соли 2025 59 адад ва соли 2026 сохтмони 106 адад бинову иншоот ба нақша гирифта шудааст. Аз ин шумора 41 адад ба шаҳраки Фархор, 38 адад ба деҳоти Фархор, 43 адад ба деҳоти Ватан, 44 адад ба деҳоти Хуросон, 45 адад ба деҳоти Зафар, 43 адад ба деҳоти Деҳқонобод, 40 адад ба деҳоти Гулшан, 21 адад ба деҳоти Дарқад, 52 адад ба деҳоти Истиқлол ва 34 адад ба деҳоти Хутан рост меояд.

Гуфта шуд, ки дар давраи ҳисоботӣ нақшаи андоз ва даромадҳои давлатии ноҳия 105,2% иҷро гардида, ба ҷои 42793,9 ҳазор сомонӣ ба буҷаи маҳаллӣ 45040,3 ҳазор сомонӣ маблағ ворид гардид, ки нисбат ба нақша 2246,4 ҳазор сомонӣ зиёд мебошад.

Давоми соли 2022 ҳаҷми истеҳсоли маҳсулоти саноатӣ ба 259552,9 ҳазор сомонӣ расонида шуд, ки нисбат ба ҳамин давраи соли гузашта баробари 123,4% мебошад. Дар ноҳия 31 адад корхонаҳои саноатӣ фаъолият доранд.

Сулаймон ХОЛЗОДА,
АМИТ «Ховар»

АКС: Мақомоти иҷроияи ҳокимияти давлатии ноҳияи Фархор