ТАҚВИМИ АМИТ «ХОВАР»: имрӯз 8 феврал, чоршанбе, 39-умин рӯзи соли 2023 аст

8 феврали соли 2014 Президенти Ҷумҳурии Тоҷикистон муҳтарам Эмомалӣ Раҳмон дар маросими бошукӯҳи ифтитоҳи Бозиҳои 22-юми зимистонаи олимпӣ дар шаҳри Сочии Федератсияи Русия иштирок намуданд.

 ***

Дар ин рӯзи соли 2016 барномаи давлатии рушди муассисаҳои фарҳангии Ҷумҳурии Тоҷикистон ва Нақшаи генералии шаҳраки Абдураҳмони Ҷомӣ тасдиқ карда шуд.

8 ФЕВРАЛ:

Рӯзи илм дар Федератсияи  Русия.

 РӮЙДОДҲО:

8 феврали соли 2013 байни Ҷумҳурии Тоҷикистон ва Федератсияи Русия дар бораи тартиби будубоши шаҳрвандони Ҷумҳурии Тоҷикистон дар ҳудуди Федератсияи Русия созишнома ба имзо расид.

***

Дар ин рӯзи соли 1919 байни Париж ва Лондон хатсайри ҳавоӣ ифтитоҳ шуд.

***

8 феврали соли 1931 маросими ботантанаи ифтитоҳи пойтахти нави Ҳиндустон – Ню-Деҳлӣ баргузор гардид.

ИНЧУНИН ДАР ИН РӮЗ…

Соли 1919 духтури чикагоӣ Ҷеймс Херрик аввалин маротиба дар  таърихи олам кардиограммаи нуқси дилро нашр намуд.