Дар арафаи Ҷашни байналмилалии Наврӯз дар шаҳри Турсунзода иншооти соҳаи тандурустӣ ба истифода дода шуд

Март 18, 2023 21:17

ДУШАНБЕ, 18.03.2023 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон ва дар арафаи Ҷашни байналмилалии Наврӯз дар маркази шаҳри Турсунзода Маркази кардиологии «Садои дил» мавриди истифода қарор гирифт. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Турсунзода хабар доданд.

Дар ифтитоҳи иншооти мазкур роҳбарияти шаҳри Турсунзода ва Академияи илмҳои кишоварзии Ҷумҳурии Тоҷикистон иштирок намуданд.

Иттилоъ дода шуд, ки марказ аз ҷониби табиби қалбшинос, номзади илмҳои тиб Абдусаттор Қурбонов бунёд гаштаааст. Иншшот аз се ошёна ва таҳхона иборат буда, барои ташхису табобати бемориҳои қалб, бемориҳои чашм ва табобати физиотерапевтӣ пешбинӣ шудааст. Дар марказ минбаъд 4 нафар табиб, 10 ҳамшира ва се коргари техникӣ бо кори доимӣ таъмин мегардад.

Марказ бо таҷҳизоти муосири тиббӣ муҷаҳҳаз гардида, дар он барои ташхиси дурусти бемориҳои дил ва чашм заминаи мусоид фароҳам оварда шудааст.


Ҳамчунин дар деҳаи Ғарави Ҷамоати деҳоти Регар бунгоҳи тиббӣ мавриди баҳрабардорӣ қарор гирифт.

Ин муассисаи тандурустӣ аз 4 ҳуҷраи корӣ иборат буда, 5 нафар бо ҷои кори доимӣ таъмин карда шуд.

Хонаи саломатии мазкур аз тарафи Ташкилоти хайриявии «Тавҳид» бунёд гардида, ба 2096 нафар аҳолии деҳот хизмати тиббӣ мерасонад.

Ҳамзамон ба фаъолони деҳот аз ҷониби роҳбарияти шаҳр ва намояндаи Ҳукумати Ҷумҳурии Тоҷикистон сипосномаҳо тақдим гардид.

АКС: Мақомоти иҷроияи ҳокимияти давлатии шаҳри Турсунзода

Март 18, 2023 21:17

Хабарҳои дигари ин бахш

Дар Суғд мусобиқаи пойга ва бузкашӣ баргузор гардид
Дар шаҳри Ҳисор бо иштироки муовини Сарвазири Тоҷикистон иншооти гуногуни ҷашнӣ ба истифода дода шуд
«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
Наврӯз дар Хадамоти гумруки Тоҷикистон бо барномаи рангини ҳунарӣ таҷлил гардид
Бахшида ба 35-солагии Истиқлоли давлатӣ дар Кушониён синфхонаҳои иловагӣ ба истифода дода шуданд
Наврӯз ба унвони аввалин рӯзи офариниши табиат ёдгор аз таърихи куҳани мардуми тоҷик аст
Дар саҳни Донишгоҳи байналмилалии забонҳои хориҷии Тоҷикистон бахшида ба Наврӯз бозиҳои миллӣ баргузор гардид
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
Дар тантанаҳои Наврӯзи байналмилалӣ дар Ҳисор меҳмонон аз Узбекистон низ иштирок намуданд
Дар Консерваторияи миллии Тоҷикистон доир ба арзишҳои миллӣ ва фарҳангии Наврӯзи байналмилалӣ конференсия баргузор гардид
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд