Дар Душанбе Маркази «Пажӯҳиши афкори сиёсӣ ва илмии Пешвои миллат» таъсис ёфт
ДУШАНБЕ, 18.03.2023. /АМИТ «Ховар»/. Имрӯз дар шаҳри Душанбе Маркази «Пажӯҳиши афкори сиёсӣ ва илмии Пешвои миллат»-и назди Раёсати Академияи миллии илмҳои Тоҷикистон ифтитоҳ гардид, ки дар маросими кушодашавии он роҳбарият ва олимону донишмандони ҷумҳурӣ иштирок намуданд.
Тавре зимни кушодашавии Марказ иброз гардид, мақсад аз таъсиси он анҷом додани корҳои илмию таҳқиқотӣ оид ба аҳамият ва моҳияти асарҳои сиёсӣ ва илмии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои имрӯзиён ва ояндагон мебошад.
Таъкид карда шуд, ки дар таърихи давлатдории ҷумҳуриҳои пешрафтаи ҷаҳон шахсиятҳои таърихиву барҷаста ва номбардоре кам дучор омадаанд, ки дар марҳилаву вазъияти барои давлаташон мураккабу ҳассос ба арсаи сиёсат омада, суботу осоиштагӣ ва роҳи рушди минбаъдаи мамлакати худро муайян намуда, дар болоравии обрӯву мақоми ҷумҳуриашон нақши абадӣ гузошта бошанд.
Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро имрӯз дар арсаи байналмилалӣ ҳамчун шахсияти сулҳофару сулҳпарвар, сарҷамъкунандаи миллату мардумсолор, амалисозандаи заҳматҳои ояндабинона ва ташаббускори ҳалли масъалаҳои глобалӣ эътироф намудаанд.
Сарвари давлат на танҳо роҳнамои хирадманд, сиёсатмадори қавиирода ва ватандӯст, балки мутафаккир ва олими бузург мебошанд. Осори гаронарзиши Сарвари давлат аҳамияти бузурги илмиву адабӣ ва таърихӣ дорад, ки бо анҷом додани корҳои илмию таҳқиқотӣ метавон паҳлуҳои нави илмиро ошкор намуд.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ТАМАДДУНИ ТОҶИКОН. Аз ёдгории таърихии «Сайёд» муҳри шоҳии марбут ба аҳди Кӯшониён дарёфт гардид
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
Дар Душанбе рӯзҳои фарҳанги вилояти Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
Дар Душанбе Рӯзи фарҳанги ноҳияи Варзоб баргузор шуд
