Дар мақомоти корҳои дохилии вилояти Суғд ба корҳои созандагӣ оғоз бахшида шуд
ДУШАНБЕ, 27.03.2023 /АМИТ «Ховар»/. Дар рӯзҳои таҷлил аз Ҷашни байналмилалии Наврӯз бо иштироки роҳбарияти Вазорати корҳои дохилӣ ва вилояти Суғд ба корҳои сохтмонии бинои иловагии таълимӣ дар факултети №4 Академияи Вазорати корҳои дохилӣ оғоз бахшида шуд. Дар ин хусус АМИТ «Ховар» бо истинод ба Вазорати корҳои дохилии Ҷумҳурии Тоҷикистон хабар медиҳад.
Бинои иншоот бо масоҳати умумии 4 300 м2 аз таҳхона ва шаш ошёна иборат буда, дар он тамоми инфрасохтори зарурӣ ба нақша гирифта шудааст. Аз ҷумла, бинои таълимӣ аз 17 синфхонаи фанниву таълимӣ, толори маҷлисӣ бо 500 ҷойи нишаст, ҳуҷраҳои кории муаллимон, ошхона бо ғунҷоиши 220 нафар дар як вақт ва хобгоҳ барои 200 нафар иборат хоҳад буд.
Ҳамчунин дар саҳни бино бунёди майдони сафороӣ, майдончаи варзишӣ, ҳавзи шиноварӣ, нуқтаи гармидиҳӣ, анборхона ва дигар иншооти ёрирасон ба нақша гирифта шудааст.
Зимни суханронӣ Вазири корҳои дохилӣ ва Раиси вилояти Суғд таъкид карданд, ки ҳамасола аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба фаъолияти мақомоти корҳои дохилӣ таваҷҷуҳи хосса зоҳир гардида, шароити корӣ беҳтар мегардад.
Ҳамзамон ба бунёди бинои шуъбаи тиббии Раёсати Вазорати корҳои дохилӣ дар вилояти Суғд санги асос гузошта шуд. Иншооти мазкур бо қисмати таҳхона ва баландии панҷ ошёна қомат меафрозад. Тибқи лоиҳа, дар иншооти мазкур ҳуҷраҳои муоина, ташхису табобат ва утоқҳои корӣ дорои тамоми шароити замонавӣ ташкил шуда, метавонад дар баробари ҳифз ва барқарор намудани саломатии кормандон ҳамчунин ба аҳолӣ хизмат расонад.
АКС: Вазорати корҳои дохилии Ҷумҳурии Тоҷикистон
Прокурори ҳарбии гарнизони Суғд: «Нақши Ваҳдати миллӣ дар рушди Қувваҳои Мусаллаҳ ва ҳифзи манфиатҳои миллӣ беназир аст»
Маркази матбуоти Вазорати корҳои дохилии Ҷумҳурии Тоҷикистон хабар медиҳад
Дар Душанбе корхонаи ғайриқонунии истеҳсоли доруворӣ ошкор гардид
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
