Дар назди Театри мусиқӣ-мазҳакавии шаҳри Хоруғ студияи нави сабти суруд таъсис ёфт
ХОРУҒ, 26.03.2022 /АМИТ «Ховар»/. Дар бинои Театри мусиқӣ-мазҳакавии ба номи Меҳрубон Назарови шаҳри Хоруғ студияи сабти оҳангу тарона боз шуд. Акнун ҳунармандони театр имконият пайдо намуданд, ки дар дохили бинои театр бо истифода аз таҷҳизоти муосири рақамӣ ва посухгӯ ба талаботи имрӯзаи ҷаҳони мусиқӣ таронаҳо, порчаҳои савтӣ барои намоишҳоро сабту танзим намоянд. Дар ин хусус мухбири минтақавии АМИТ «Ховар» Файз Мирасан иттилоъ додааст.
Ҳунарманди маъруфи ин театр Ҷобиршои Хубоншо, ки қариб 30 сол боз рӯи саҳнаи ин театр тарона мехонад ва дар намоишҳо нақш меофарад, зимни суҳбат изҳор дошт, ки «қаблан сарояндагону оҳангсозони театр барои сабти суруду оҳангҳо ба телевизиони Бадахшон ва ё студияҳои шахсӣ муроҷиат менамуданд. Баъзе ҳунармандон ҳатто барои сабти суруд ба шаҳри Душанбе сафар намуда, маблағи зиёд масраф менамуданд.
«Ҳоло бо кумаки Ҳукумати Ҷумҳурии Тоҷикистон театри мо соҳиби студияи ҳозирамони барҳаво гардид, ки ҳамаи дастгоҳу таҷҳизоти сабти суруд ва танзимгарӣ комилан нав аст. Акнун минбаъд на танҳо ҳунармандони театри вилоятӣ, балки ҳар ҳунарманде, ки маҳорату истеъдоди овозхонӣ дорад, метавонад аз хизмати ин студия истифода барад. Барои чунин кумаки воқеан зарурӣ аз номи ҳунармандони театр ба Ҳукумати Ҷумҳурии Тоҷикистон изҳори сипос баён менамоям ва аз ин пас кӯшиш хоҳем кард, ки барномаҳои адабӣ-мусиқиро бо сифати баланду ҷавобгӯ ба меёърҳои ҷаҳонӣ сабт ва пешкаши сокинон гардонем», — илова кард ў.
АКС: АМИТ «Ховар»
Чеварони хушсалиқаи шаҳри Кӯлоб барои Осорхонаи миллӣ калонтарин гулдӯзии мунаққашро омода намуданд
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
НАВРӮЗ — ҶАШНИ СУЛҲУ НАКУКОРӢ. Суратгузориши АМИТ «Ховар» аз иқдоми наврӯзӣ дар «Боғи ба номи Алишери Навоӣ»
Дар Бишкек Бозиҳои Делфии ҷавонони давлатҳои аъзои Созмони ҳамкории Шанхай доир мегардад
Дар Хонаи китоби Тоҷикистон кафедраи китобхонашиносӣ ва библиографишиносӣ ифтитоҳ гардид
«АЗ НАВРӮЗ ТО НАВРӮЗ». Дар Осорхонаи миллии Тоҷикистон намоиши анъанавӣ ифтитоҳ ёфт
Дар ноҳияи Данғара «Шаҳраки наврӯзӣ» ташкил карда шуд
Дар замони соҳибистиқлолии Тоҷикистон майдони фаъолияти матбуоти шаҳри Турсунзода фарох гардид
Дар Хатлон Рӯзи матбуоти тоҷик бо қадрдонии рӯзноманигорон ва адибон таҷлил гардид
Дар Душанбе ба муносибати Рӯзи матбуоти тоҷик ҳамоиши тантанавӣ доир шуд
ВОСИТАҲОИ АХБОРИ ОММА ВА МАСЪАЛАҲОИ ХУДШИНОСИИ МИЛЛӢ. Бахшида ба Рӯзи матбуоти тоҷик ҳамоиш доир шуд
НАВРӮЗ — ҶАШНИ ҶАҲОНӢ. Ҳеҷ монеа ва қуввае онро натавонист аз байн барад
