Дар роҳҳои кӯҳии Тоҷикистон хатари лағзиши тарма ва резиши санг то 16 март боқӣ мемонад
ДУШАНБЕ, 15.03.2023 /АМИТ «Ховар»/. Тибқи иттилои Агентии обуҳавошиносии Тоҷикистон, бар асари гарм шудани ҳавои рӯзҳои охир ва бориш дар рӯзҳои баъдӣ то 16 март дар ноҳияҳои кӯҳиву наздикӯҳӣ хатари лағзиши тарма, омадани сел, ярч ва резиши санг боқӣ мемонад. Дар робита ба ин Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба таваҷҷуҳи меҳмонон ва сокинони мамлакат мерасонад, ки эҳтиёткор бошанд. Дар ин хусус АМИТ «Ховар» бо истинод ба Кумитаи мазкур хабар медиҳад.
Дар роҳҳои мошингарди Душанбе — Хуҷанд, Душанбе-Лахш, Душанбе-Рашт, Душанбе-Сангвор, Душанбе — Дарвоз — Хоруғ, Хоруғ-Ишкошим, Хоруғ-Мурғоб хатари бештари лағзиши тарма ва резиши санг вуҷуд дорад. Аз ин рӯ, Кумита бори дигар аз аҳолӣ даъват ба амал меорад, ки аз сафарҳои бе зарурат бо роҳҳои кӯҳӣ, бахусус сафар ба минтақаҳои тармафаро худдорӣ намоянд. Агар зарурати сафар ба миён омад, хеле эҳтиёткор ва ботаваҷҷуҳ бошанд.
Кумитаи ҳолатҳои фавқулода ва мудофиаи гражданӣ ба диққати ронандагон мерасонад, ки ҳангоми ҳаракат аз тариқи ағбаҳо ва минтақаҳои кӯҳӣ қоидаҳои бехатарӣ, бахусус фосилаи байни мошинҳоро риоя кунанд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Дар шаҳри Бӯстон мулоқоти гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
«МУШКИЛОТИ МУБОРИЗА БО ҶИНОЯТКОРӢ ДАР ФАЗОИ АВРУОСИЁ». Таҳти чунин унвон дар Душанбе конфронси байналмилалӣ доир шуд
Байни Тоҷикистон ва Иёлоти Муттаҳидаи Амрико Ёддошти тафоҳум оид ба ҳамкорӣ дар бораи татбиқи Низоми ҳифзшудаи муқоисавӣ ба имзо расид
Байни Ҳукумати Ҷумҳурии Тоҷикистон ва Ҳукумати Малайзия Шартнома дар бораи ёрии мутақобилаи ҳуқуқӣ оид ба парвандаҳои ҷиноятӣ ба имзо расид
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Бахшида ба Рӯзи кормандони ҳифзи сирри давлатӣ озмоишгоҳи ҳифзи техникии иттилоот ва бахши хизматрасонии техникӣ ифтитоҳ ёфт
Дар шаҳри Фарғона мулоқоти роҳбарони хадамоти махсуси Қирғизистон, Тоҷикистон ва Узбекистон баргузор гардид
Владимир Путин ба Эмомалӣ Раҳмон: Ҳеҷ неруе наметавонад муносибатҳои бародаронаи мардумони ду давлатро халалдор намояд
Бо мақсади таъмини ҳифзи сирри давлатӣ ва ҳифзи техникии иттилоот дар Тоҷикистон ҳамоиш доир шуд
Даъвати баҳорӣ ба Артиши миллӣ бо эҳсоси баланди ватандӯстӣ идома дорад
Вохӯрии навбатии гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Ҳамкории мақомоти корҳои дохилии Тоҷикистон ва Италия тақвият меёбад
