«ДИРӮЗ ВА ИМРӮЗИ МАТБУОТИ ЗАМОНИ ИСТИҚЛОЛ». Дар ин мавзуъ дар «Академияи ВАО-и Тоҷикистон» ҳамоиши илмӣ-амалӣ доир гардид
ДУШАНБЕ, 15.03.2023 /АМИТ «Ховар»/. 14 март дар Муассисаи давлатии «Академияи ВАО-и Тоҷикистон» дар мавзуи «Дирӯз ва имрӯзи матбуоти замони истиқлол» ҳамоишӣ илмӣ – амалӣ баргузор гардид, ки дар он сармуҳаррирон, рӯзноманигорон, устодон ва донишҷӯёни донишгоҳҳо иштирок намуданд, хабар медиҳад мухбири АМИТ «Ховар».
Дар ҳамоиш раиси Иттифоқи журналистони Тоҷикистон Зинатуллоҳ Исмоилзода, профессори Донишгоҳи миллии Тоҷикистон Мурод Муродӣ, сармуҳаррири нашрияи расмии Ҳукумати Ҷумҳурии Тоҷикистон — рӯзномаи «Ҷумҳурият» Қурбоналӣ Раҳмонзода, директори «Радиои Тоҷикистон» Обид Саидзода, профессори Донишгоҳи славянии Тоҷикистону Русия Шариф Муллоев, муҳаррири ҳафтаномаи «Тоҷикистон» Одил Нозир дар мавзуи мавриди назар ибрози андеша намуданд.
Директори Муассисаи давлатии «Академияи ВАО –и Тоҷикистон» Саъдӣ Маҳдӣ нақш ва ҷойгоҳи матбуотро дар низоми иттилоот муҳим арзёбӣ карда, доир ба рисолати он дар замони истиқлол изҳори назар намуд. Саъдӣ Маҳдӣ бартарияти матбуотро нисбат ба интернет бо мисолҳо собит намуда, таъкид кард, ки матбуот умри ҷовидона дорад ва ҳеч гоҳ интернет ҷойи онро гирифта наметавонад.
Директори «Радиои Тоҷикистон» оид ба ҷойгоҳи матбуоти замони истиқлол сухан гуфта, иброз намуд, ки дар муқоиса ба чанд соли охир матбуоти миллӣ рушду тавсеа ёфта, хонандааш рӯ ба афзудан дорад.
Раиси Иттифоқи журналистони Тоҷикистон баргузории чунин ҳамоишҳои илмиро барои пешрафти матбуот иқдоми нек арзёбӣ намуда, гуфт, ки чунин ҷамъомадҳои илмӣ муҳаққиқони соҳаро ҳидоят месозад атрофи вазъи кунунии матбуоти тоҷик ва воситаҳои ахбори омма таваҷҷуҳи бештар зоҳир намоянд.
Профессори Донишгоҳи миллии Тоҷикистон дар хусуси марҳилаҳои ташаккули матбуоти тоҷик суҳбат намуда, гуфт, ки замина ва омилҳои гуногуни таърихӣ ва сиёсӣ асоси ба вуҷуд омадани матбуоти тоҷик дар тӯли таърих мебошад. Номбурда оид ба омилҳои пайдоиши матбуоти тоҷик ва рушди он дар тули солҳо ба иштирокдорон маълумоти муфассал дод.
Зимни ҳамоиш олимону кормандони соҳа дар маърузаҳояшон ои д ба марҳилаҳои таърихӣ , ҷойгоҳи матбуоти замони истиқлол ва тақвияти сатҳи тахассусии кормандони соҳа таваҷҷуҳи бештар зоҳир намуда, нуктаҳои ҷолиб баён доштанд.
Дар анҷом як зумра рӯзноманигорони касбӣ барои фаъолияти пурсамар ва тарғибу ташвиқи арзишҳои миллӣ дар воситаҳои ахбори омма бо «Сипоснома» қадрдонӣ шуданд.
АКС: Муассисаи давлатии «Академияи ВАО-и Тоҷикистон»
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
Собиқ Вазири фарҳанги Ҷумҳурии Тоҷикистон Тамара Абдушукурова аз олам даргузашт
Ҷаласаи вазирони фарҳанги давлатҳои аъзои Созмони ҳамкории Шанхай доир гардид
Имсол дар Академияи миллии илмҳои Тоҷикистон 8 озмоишгоҳи замонавӣ ба истифода дода шуд
ҲАРГИЗ НАМИРАД ОН КИ ДИЛАШ ЗИНДА ШУД БА ИШҚ. Девони Ҳофиз дар Тоҷикистон беш аз сад маротиба ба нашр расидааст
КУЛОЛГАРӢ. Саразми бостон яке аз нахустин марказҳои кулолгарии Осиёи Марказӣ будааст
Барномаи консертии арбобони санъати Тоҷикистон ва Қирғизистон таҳти унвони «Дӯстии абадӣ» доир мегардад
«ҚАЛАМДОРӢ-МАСЪУЛИЯТИ ВАТАНДОРИСТ». Таҳти ин унвон маҳфили адабии нависанда Садриддин Ҳасанзода доир шуд
Дар Душанбе бахшида ба Рӯзи маъюбон ҳамоиши фарҳангӣ доир шуд
Дар Душанбе намоиши дастнависҳо, нусхаҳои чопи сангӣ ва хушнависиҳои ашъори Ҳофизи Шерозӣ баргузор шуд
Мехоҳед таътили тобистонаи фарзандатон босамар гузарад? Пас ба Китобхонаи миллии Тоҷикистон биёяд
