Дар Иёлоти Муттаҳидаи Амрико Рӯзҳои фарҳанги Тоҷикистон баргузор мегарданд
ДУШАНБЕ, 08.11.2025 /АМИТ «Ховар»/. 7 ноябр дар пойтахти Иёлоти Муттаҳидаи Амрико -шаҳри Вашингтон Рӯзҳои фарҳанги Тоҷикистон баргузор шуд. Дар назар аст, ки 9 ноябр дар шаҳри Ню-Йорк Рӯзҳои фарҳанги Тоҷикистон баргузор гардад. Дар ин хусус ба АМИТ «Ховар» аз Вазорати фарҳанги Ҷумҳурии Тоҷикистон иттилоъ доданд.
Рӯзҳои фарҳанги Тоҷикистон дар пойтахти Иёлоти Муттаҳидаи Амрико -шаҳри Вашингтон дар сатҳи баланд доир гардид. Дар барномаи рангину пурмуҳтаво аз ҷониби ҳунармандони тоҷик суруду оҳангҳо ва рақсҳои миллӣ пешниҳод шуданд. Инчунин аз ҷониби ҳунармандон намоиши либосҳои миллӣ ва ҳунарҳои дастӣ манзур гардонда шуданд, ки писанди иштирокдорон шуд.
Баргузории Рӯзҳои фарҳанг замина барои боз ҳам бештар шинос шудан бо фарҳангу санъати якдигар ва таҷриба гирифтан аз навгониҳо дар соҳаи фарҳанг мебошад.
Ёдовар мешавем, ки муносибатҳои дипломатӣ байни Ҷумҳурии Тоҷикистон ва Иёлоти Муттаҳидаи Амрико 14 феврали соли 1992 барқарор шудаанд. Моҳи марти ҳамон сол Сафорати Иёлоти Муттаҳидаи Амрико дар Тоҷикистон кушода шуд. Соли 2006 бинои нави Сафорати Иёлоти Муттаҳидаи Амрико дар Душанбе бунёд гардид.
Сафорати Ҷумҳурии Тоҷикистон дар Вашингтон аз соли 2002 фаъолият менамояд.
АКС: Вазорати фарҳанги Ҷумҳурии Тоҷикистон
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
