Имрӯз маросими қуръакашии Ҷоми Осиё байни футболбозони то 17-сола баргузор мегардад

Март 30, 2023 08:40

ДУШАНБЕ, 30.03.2023 /АМИТ «Ховар»/. Имрӯз дар шаҳри Бангкоки Таиланд маросими қуръакашии Ҷоми Осиё байни футболбозони то 17-сола баргузор мегардад, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дастаи мунтахаби наврасони то 17-солаи Тоҷикистон оид ба футбол дар сабади якум ҳамроҳ бо дастаҳои мунтахаби наврасони то 17-солаи Кореяи Ҷанубӣ, Ҷопон ва Тайланд қарор гирифтааст. Дар сабади дуюм дастаҳои мунтахаби наврасони Ҳиндустон, Эрон, Австралия ва Яман мавқеъ гирифтаанд. Дастаи мунтахаби наврасони Малайзия, Арабистони Саудӣ, Афғонистон ва Ветнам шомили сабади сеюм ҳастанд. Дар сабади чаҳорум дастаҳои мунтахаби наврасони Узбекистон, Лаос, Чин ва Қатар ҷой гирифтаанд.

Ёдовар мешавем, ки имрӯз пас аз маросими қуръакашӣ дастаҳои мунтахаб ҳарифонашонро пайдо мекунанд.

Ҷоми Осиё миёни дастаҳои мунтахаби то 17-сола аз 17 июн то 2 июли соли 2023 дар шаҳри Тайланд дар байни 16 дастаи мунтахаб баргузор мегардад.

АКС: Федератсияи футболи Тоҷикистон

Март 30, 2023 08:40

Хабарҳои дигари ин бахш

ИМРӮЗ — РӮЗИ БАЙНАЛМИЛАЛИИ ШОҲМОТ. Дар Тоҷикистон Мусобиқаи байналмилалии варзишӣ оид ба шоҳмот доир мешавад
Имрӯз дастаҳои мунтахаби футзали Тоҷикистон ва Узбекистон бозӣ мекунанд
Мавзуна Чориева: «Аз варзишгарони тоҷик умеди зиёд дорем, ки дар Бозиҳои олимпии Париж-2024 ба дастовардҳои назаррас ноил мегарданд»
Дар Хоруғ Варзишгоҳи марказӣ аз нав таъмир гардид
ФУТБОЛ. Дарко Илиески ва Павел Назаренко ба ҳайати бозигарони дастаи «Истиқлол»-и шаҳри Душанбе пайвастанд
ҶОМИ «INNOPROM — 2024». Дастаи «Равшан»-и Кӯлоб аз ин мусобиқот бо медали биринҷӣ ба Ватан баргашт
Темур Раҳимов маротибаи дуюм парчамбардори дастаи мунтахаби олимпии Тоҷикистон дар Бозиҳои олимпӣ мешавад
БОЗИҲОИ ОЛИМПИИ ПАРИЖ-2024. Рустами Эмомалӣ бо ҳайати дастаи мунтахаби Тоҷикистон мулоқот намуданд
ЧЕМПИОНАТИ CAFA-2024. Имрӯз дастаҳои мунтахаби ҷавонони Тоҷикистон ва Узбекистон барои ҷойи сеюм байни ҳам бозӣ мекунад
ФУТБОЛ. Никола Стошич ба дастаи «Истиқлол»-и шаҳри Душанбе баргашт
Лигаи футболи Тоҷикистон беҳтаринҳои моҳи июнро дар мусобиқаи ҳайатҳои ҷавонон маълум намуд
Футзалбозони тоҷик бо дастаҳои мунтахаби Испания ва Нидерланд бозиҳои дӯстона анҷом медиҳанд