«САЙРИ ГУЛИ ЛОЛА». Бо мақсади дар сатҳи баланд гузаронидани ин Фестивал дар Душанбе қариб 6 миллион бех лола шинонида шуд
ДУШАНБЕ, 15.03.2023 /АМИТ «Ховар»/. Бо мақсади дар сатҳи баланд баргузор намудани Фестивали «Сайри гули лола» дар гулгашту хиёбон, боғҳои фарҳангу фароғатӣ ва мавзеъҳои гуногуни пойтахт беш аз 5,7 миллион дона гули лола шинонида шуд, ки сарсабзию шукуфоӣ ва озодагии пойтахтро таъмин менамояд. Дар ин хусус АМИТ «Ховар» бо истинод ба Раёсати ҳифзи муҳити зисти шаҳри Душанбе иттилоъ медиҳад.
Фестивали мазкур дар ду давр: ноҳиявӣ ва шаҳрӣ доир гашта, моҳи апрел ҷамъбаст ва номи ғолибон ба комиссияи ҷумҳуриявӣ пешниҳод карда мешавад.
Фестивал фарогири панҷ номинатсия буда, ғолибон бо «Диплом»-и Мақомоти иҷроияи ҳокимияти давлатии шаҳри Душанбе ва мукофоти пулӣ сарфароз мегарданд.
Фестивали гулҳо таҳти унвони «Сайри гули лола» бо мақсади таъмини амри Президенти Ҷумҳурии Тоҷикистон муҳтарам Эмомалӣ Раҳмон ва вусъати корҳои ободонӣ, бунёдкорию созандагӣ, ташвиқи ҳисси зебоипарастӣ, табиатдӯстӣ, баланд бардоштани завқи эстетикӣ, фарҳанги экологӣ ва оммавигардонии суннатҳои беҳтарини миллӣ тибқи қарори марбутаи Раиси шаҳри Душанбе гузаронида мешавад.
Ёдовар мешавем, ки ватани асосии гули лола Тоҷикистон буда, дар мамлакати мо 24 намуди он ҳамчун гули худрӯй вомехӯрад. Дар гузашта байни тоҷикон ҳамасола иди сайри гули лола таҷлил карда мешуд. Гули лола баъдан ба Осиёи Хурд, Туркия, Ҳолланд ва дигар мамлакатҳо паҳн шуд.
Бо амри Президенти Ҷумҳурии Тоҷикистон ҳанӯз соли 2018 дар қаламрави ҷумҳурӣ озмуни гулҳо «Сайри гули лола» доир гашт. Он ҷиҳати эҳёи анъанаҳои миллӣ, ташвиқу тарғиби таҷрибаи пешқадами гулпарварӣ, ташаббускорӣ ва боло бурдани завқи отифанигорӣ ҳамасола доир карда мешавад.
Воқеан, шаҳри Душанбе яке аз пешсафони корҳои ободонию ниҳолшинонӣ ва гулшинонӣ дар миқёси ҷумҳурӣ маҳсуб шуда, барандаи комили шоҳҷоизаҳои озмунҳои қаблии «Сайри гули лола» мебошад.
Бо дастур ва роҳнамоиҳои пайвастаи Раиси шаҳри Душанбе муҳтарам Рустами Эмомалӣ дар пойтахт корҳои ободонӣ, созандагӣ, ниҳолшинонию гулшинонӣ равнақи бештар касб намуда, таъмини тозагию озодагии шаҳраку маҳаллаҳо ба баргузории ташаббусҳои экологии «Тозагии соҳил» ва «Тозагии маҳал» иртибот дорад.
АКС: Раёсати ҳифзи муҳити зисти шаҳри Душанбе
«КӮДАКОН ВА НАВРАСОН-САРВАТИ БЕБАҲОИ МИЛЛАТ». Таҳти ин унвон дар 13 кӯдакистони шаҳри Турсунзода барномаҳои идона доир шуд
Дар Арабистони Саудӣ коллеҷи Донишгоҳи байналмилалии сайёҳӣ ва соҳибкории Тоҷикистон ифтитоҳ мешавад
КӮДАКОН-ОЯНДАИ МИЛЛАТ. Ва ё барои ҳар давлат насли солим зарур аст
Дастаи мунтахаби Тоҷикистон оид ба футзал дар Душанбе ба ҷамъомади таълимиву тамринӣ шуруъ намуд
ГРАН-ПРИИ ДУШАНБЕ-2023. Имрӯз маросими қуръакашии мусобиқа баргузор мегардад
ТОҶИКИСТОН-ВАТАНИ КӮДАКОНИ ХУШБАХТ. Эъто ба Рӯзи байналмилалии ҳифзи кӯдакон
Президенти Ҷумҳурии Тоҷикистон Эмомалӣ Раҳмон Президенти Федератсияи байналмилалии ҷудо Мариус Визерро ба ҳузур пазируфтанд
Дар Махачқалъа дурнамои робитаҳои тиҷоратию иқтисодии минтақаҳои Тоҷикистон ва Ҷумҳурии Доғистон баррасӣ шуд
Беш аз 20 корхонаи нассоҷӣ ва дӯзандагии Тоҷикистон аз «UzTextile Expo Spring» боздид намуд
Имрӯз дар шаҳри Душанбе бахшида ба Рӯзи байналмилалии ҳифзи кӯдакон барномаи фарҳангию фароғатӣ доир мегардад
ИМРӮЗ-РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Тоҷикистон дар мубориза бо маводи мухаддир устувор аст
Масъалаи фаъол гардонидани кори Шӯрои ҳамоҳангсозии шарикони рушд дар Душанбе баррасӣ карда шуд
