Теъдоди ҳалокшудагони тундбоди «Фредди»дар Малави ба 99 нафар расид
ДУШАНБЕ, 14.03.2023 /АМИТ «Ховар»/. Теъдоди бар асари тундбоди тропикии «Фредди» дар Малави ҳалокшудагон ба 99 нафар расид. Тавре ки АМИТ «Ховар» иттилоъ медиҳад, дар ин хусус рӯзи душанбе агентии Reuters бо истинод ба хадамоти малавиягӣ оид ба муқовимат бо офатҳои табиӣ хабар додааст.
Қаблан Ҳилоли Аҳмари Малави дар бораи 66 ҳалокшуда, 99 маҷруҳ ва 16 бедаракгашта иттилоъ дода буд.
Президенти Малави Лазарус Чаквера рӯзи душанбе дар минтақаҳои ҷануби Малавӣ, ки аз тӯфон бештар осеб дидаанд, вазъи фавқулода эълон кард. Ба ин теъдод пойтахти иқтисодии мамлакат- шаҳри Блантайр низ дохил мешавад.
Тӯфони Фредди, ки 35 рӯз пеш дар уқёнуси Ҳинд дар шимолу ғарби Австралия ба вуҷуд омада буд, тӯлонитарин тӯфонест, ки то кунун дар ин қисмати ҷаҳон сабт шудааст. Вай сабаби ҳалокати камаш 120 нафар дар ҷанубу шарқи Африқо шуда, ба Маврикий, Мадагаскар, Малави ва Мозамбик низ таъсир расонид.
Бори аввал тӯфони «Фредди» 24 феврал ба соҳили ҷанубу шарқии Африқо дар минтақаи Мозамбик фурӯ рехт. Ҳоло ӯ боз ба Мозамбик баргашта, инчунин ба Малави ворид шудааст.
Азиза ДАДАБОЕВА,
АМИТ «Ховар»
АКС аз манбаъҳои боз
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
ДАҲСОЛАИ БАЙНАЛМИЛАЛӢ ОИД БА ТАҲКИМИ СУЛҲ. Амнияту субот омили асосии рушди устувори давлатҳо ва зиндагии шоистаи инсоният ба ҳисоб меравад
Имрӯз дар шаҳри Душанбе ҳаво то 37 дараҷа гарм мешавад
13 июл дар якчанд вазорату идора нишасти матбуотӣ баргузор мешавад
Камтар гап мезанем, бештар менависем: чӣ гуна завқи муштариён тағйир меёбад
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
«КИШВАРИ САБЗ». Соли 2026 дар Тоҷикистон беш аз 3,7 миллион ниҳоли дарахтони ҳамешасабз ва сояафкану ороишӣ шинонида шуд
Имрӯз дар шаҳри Душанбе ҳаво то 38 дараҷа гарм мешавад
