«АЛЛОМА АБУРАЙҲОНИ БЕРУНӢ». Ин китоб аз ҷониби Сарредаксияи илмии «Энсиклопедияи миллии тоҷик» ба нашр расид
ДУШАНБЕ, 30.04.2023 /АМИТ «Ховар»/. Ба бузургдошти соли таваллуди аллома Ҳаким Абурайҳони Берунӣ Сарредаксияи илмии «Энсиклопедияи миллии тоҷик» китоби шоир ва олими тоҷик, узви вобастаи Академияи миллии илмҳои Тоҷикистон, академики Академияи табиатшиносии Русия Ҳасани Султонро таҳти унвони «Аллома Абурайҳони Берунӣ» ба нашр расонд. Дар ин хусус ба АМИТ «Ховар» дар Институти забон ва адабиёти Академияи миллии илмҳои Тоҷикистон иттилоъ доданд.
Китоби мазкур дар мамлакати мо асари нисбатан мукаммал буда, дар он баъзе воқеоти муҳими рӯзгор ва хусусияти осори маъруфи Берунӣ баён гардидааст.
Ёдовар мешавем, ки имсол ба таваллуди ин донишманди бузурги тоҷик 1050 сол пур мешавад ва ин ҷашн аз ҷониби ЮНЕСКО ба Феҳристи ҷашнвораҳои сол ворид карда шудааст.
Абурайҳони Берунӣ яке аз бузургтарин алломаҳои Машриқзамин, риёзидон, файласуф, табиатшинос, табиб, мунаҷҷим, муарриху ҷомеашинос ва аз зумраи донишмандони бузурги мардуми тоҷик барои ҳамаи замонҳо мебошад.
Миқдори таълифоти Беруниро муҳаққиқон аз 130 то 180 асар донистаанд, вале 20 асари ӯ аз осеби замонҳо дар амон монда, то ба имрӯз расидааст.
АКС: Институти забон ва адабиёти Академияи миллии илмҳои Тоҷикистон
Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
Дар Маркази рушди инноватсионии илм ва технологияҳои нав системаи гармидиҳӣ насб мегардад
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
НИШАСТИ МАТБУОТӢ. Донишкадаи давлатии фарҳанг ва санъати Тоҷикистон ихтисоси «Омӯзгорони томактабӣ» таъсис медиҳад
Дӯстӣ пойдор бошад, комёбиҳо бештар мегарданд. Эҳдо ба Рӯзи байналмилалии дӯстӣ
Китоби «Фурӯғи худшиносии миллӣ» ба нашр расид
