Дар Душанбе доир ба принсипҳои асосии муносибатҳо байни Чин ва Тоҷикистон ҳамоиш доир гардид
ДУШАНБЕ, 11.04.2023 /АМИТ «Ховар»/. Имрӯз, 11 апрел дар Маҷлиси намояндагони Маҷлиси Олии Ҷумҳурии Тоҷикистон доир ба мавзуи «Эъломияи муштарак дар бораи принсипҳои асосии муносибатҳо байни Ҷумҳурии Мардумии Чин ва Ҷумҳурии Тоҷикистон ҳамчун асоси ташаккул ва рушди заминаи сиёсӣ ва ҳуқуқии муносибатҳои дуҷониба» ҳамоиш баргузор гардид. Дар ин хусус АМИТ «Ховар» бо истинод ба котиби матбуоти Маҷлиси намояндагон хабар додааст.
Дар кори ҳамоиш роҳбарияти вазоратҳои корҳои хориҷии Ҷумҳурии Тоҷикистон, саноат ва технологияҳои нав, энергетика ва захираҳои об, рушди иқтисод ва савдо, маориф ва илм, кишоварзӣ, нақлиёт, Палатаи савдо ва саноат, гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон ва Анҷумани умумиҷаҳонии намояндагони мардумии Чин, намояндагони Сафорати Ҷумҳурии Мардумии Чин иштирок намуданд.
Иброз гардид, ки имрӯз ба шарофати дурандешии сиёсии раҳбарияти ду давлат ва баррасии ҳамаҷонибаи сабақҳои таърихӣ ҳамкории дуҷониба намуди нав пайдо карда, ба рушди минбаъдаи мусбати равобити Тоҷикистон ва Чин мусоидат намуд. Ин барои инкишофи минбаъдаи ҳамкории барои ҳамдигар фоидабахш заминаи устувор мегузорад.
Тазаккур дода шуд, ки Чин шарики стратегии Ҷумҳурии Тоҷикистон мебошад. Тақвият ва густариши равобити дуҷонибаи дӯстӣ ва ҳамкорӣ бо ин давлат яке аз самтҳои афзалиятноки сиёсати хориҷии Тоҷикистон ба шумор меравад.
Эъломия дар бораи Принсипҳои асосии равобити Тоҷикистон ва Чин 9 марти соли 1993 ба имзо расида буд. Ин хуҷҷат ба инкишофи муносибатҳои дуҷониба ба манфиати халқҳои ҳар ду мамлакат заминаи мустаҳками ҳуқуқӣ гузошт.
Дар ҳамоиш аз ҷониби иштирокдорон оид ба ҳамкории судманд байни ду давлат ва нақшаҳои оянда ибрози назар карда шуд.
АКС: Маҷлиси намояндагони Маҷлиси Олии Ҷумҳурии Тоҷикистон
Қонуни Ҷумҳурии Тоҷикистон «Дар бораи мақоми омӯзгор» қабул карда шуд
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
