МАРКАЗИ МИЛЛИИ ТЕСТӢ: Давраи бақайдгирии ИМД-2023 то 1 май муқаррар карда шуд

ДУШАНБЕ, 28.04.2023. /АМИТ «Ховар»/. Маркази миллии тестии назди Прзиденти Ҷумҳурии Тоҷикистон ба таваҷҷуҳи шахсони хоҳишманди иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли равон мерасонад, ки муҳлати марҳалаи асосии бақайдгирии довталабон барои иштирок дар имтиҳонҳои мазкур то 1 май муқаррар карда шуд. Рӯзи якшанбе – 30 апрел низ нуқтаҳои бақайдгирии довталабон фаъолият мекунанд, хабар доданд ба АМИТ «Ховар» дар маркази мазкур.

Вобаста ба ин азбаски филиал ва марказҳои хизматрасонии Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» рӯзи якшанбе кор намекунанд, ба шахсони хоҳишманди иштирок дар ИМД-2023 тавсия медиҳем, ки маблағи хизматрасониро пешакӣ дар рӯзҳои корӣ пардохт намоянд.

Инчунин дар шаҳри Роғун ва ноҳияҳои Нуробод, Тоҷикобод ва Лахш аз 28 апрел то 1 май нуқтаҳои сайёри бақайдгирӣ фаъолият мекунанд.

АКС: АМИТ «Ховар»