Муаллифони ҷавони давлатҳои СҲШ бо иқтидори умумии эҷодии «Оилаи СҲШ» шинос шуданд

ДУШАНБЕ, 15.04.2023 /АМИТ «Ховар»/. 12-13 апрел дар Деҳлии нав дар доираи раёсати Ҳиндустон дар Созмони ҳамкории Шанхай (СҲШ) Конфронси муаллифони ҷавони кишварҳои СҲШ баргузор гардид, иттилоъ додоанд ба АМИТ «Ховар» дар Котиботи СҲШ Дар Пекин.

Дар он зиёда аз 20 нависанда ва шоир аз Ҷумҳурии Ҳиндустон, Қазоқистон, Ҷумҳурии Мардумии Чин, Қирғизистон, Ҷумҳурии Исломии Покистон, Федератсияи Русия, Узбекистон, Беларус, Ҷумҳурии Исломии Эрон ва Муғулистон иштирок намуд.

Муовини Дабири кулли СҲШ Ҷанеш Кейн тавассути пайванди видеоӣ бо сухани ифтитоҳӣ ба иштирокчиён муроҷиат намуд. Тавре ӯ ишора кардд, анҷуманҳои адабии ҷавонон ба мисли ин конфронс воситаи  муҳими шиносоӣ бо иқтидори эҷодии муштараки «оилаи СҲШ», василаи муассири ғанисозии фарҳангии мутақобила буда,  омили пурқудрати наздикшавии халқҳои он ва таҳкими дӯстӣ байни онҳо мебошанд. Боварӣ дорам, ки баргузории чунин вохӯриҳо анъанаи хуби Созмон хоҳад буд ва ба ҳамкорӣ дар доираи он дар соҳаи фарҳанг ва санъат чараёни нав хоҳад бахшид.

Азиза ИКРОМ,
АМИТ «Ховар»

  АКС: Котиботи СҲШ