«Somon Air» ва «Kayan Travel Group» бо мақсади рушди интиқоли ҳавоӣ санади ҳамкорӣ ба имзо расониданд
ДУШАНБЕ, 13.04.2023 /АМИТ «Ховар»/. Байни ширкати ҳавопаймоии «Somon Air»-и Тоҷикистон ва «Kayan Travel Group»-и Арабистони Саудӣ Ёддошти ҳусни тафоҳум ба имзо расид, иттилоъ медиҳад АМИТ «Ховар» бо истинод ба ширкати ҳавопаймоии «Somon Air».
Санади мазкурро директори генералии ширкати ҳавопаймоии «Somon Air» Абулқосим Валиев ва раиси Агентии интиқолоти ҳавоии «Kayan Travel Group»-и Арабистони Саудӣ Туркӣ Ал Сайланӣ дар Душанбе имзо намуданд.
Дар доираи ин санад ҷонибҳо ба мувофиқа расиданд, ки ҳамкории мутақобилан судмандро дар соҳаи интиқолоти ҳавоӣ -мусофиркашониву боркашонӣ ва иртиботи шаҳрвандони ҳар ду мамлакат, ки бо ҳадафҳои тиҷорат, саёҳат, омӯзишу табобат сафар менамоянд, ба роҳ монанд.
Тибқи шартҳои Ёддошти ҳамкорӣ, ширкати ҳавопаймоии «Somon Air» парвозҳоро дар хатсайри Душанбе-Ҷидда-Душанбе рушд дода, ширкати «Kayan Travel Group» барои ҷалби мусофирон аз Шоҳигарии Арабистони Саудӣ ба Ҷумҳурии Тоҷикистон барои саёҳату тиҷорат, омӯзишу табобат ва дигар мақсадҳо иқдом мегирад.
Бояд тазаккур дод, ки ширкати ҳавопаймоии «Somon Air» моҳи марти соли равон дар масири Душанбе-Ҷидда-Душанбе парвозҳои мунтазам оғоз намуд. Алҳол парвозҳо аз Душанбе ба Ҷидда ҳар ҳафта рӯзҳои сешанбе ва ҷумъа сурат мегиранд. Вақти парвоз аз Душанбе — соати 21:50, аз Ҷидда — 02:50 (чоршанбе ва шанбе) ба вақти маҳаллӣ мебошад.
Ширкати ҳавопаймоии «Somon Air» дар айни замон парвозҳоро аз Тоҷикистон ба Русия, Олмон, Амороти Муттаҳидаи Араб, Туркия, Чин, Ҳиндустон, Арабистони Саудӣ, Эрон, Қазоқистон ва Узбекистон тавассути ҳавопаймоҳои Boeing 737-800 ва -900 анҷом медиҳад.
АКС: Ширкати ҳавопаймоии «Somon Air»
Ҳаракати қатораи мустақими мусофирбар дар масири Душанбе — Москва барқарор карда шуд
Шурои Гурӯҳи Бонки ҷаҳонӣ Барномаи шарикии кишварӣ барои Тоҷикистонро қабул намуд
Барои ҳаракати нақлиёти боркаши гаронвазн дар роҳҳои мошингард маҳдудият ҷорӣ гардид
Ҷаласаи 8-уми Комиссияи муштараки ҳамкории тиҷоратӣ, иқтисодӣ ва илмӣ-техникии Тоҷикистон ва Покистон баргузор шуд
Дар ноҳияи Зафаробод ҷамъоварии ҳосили ғалладонагиҳо оғоз гардид
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
Дар Бохтар масъалаи таҳкими ҳамкорӣ дар соҳаи тандурустӣ бо Агентии байналмилалии неруи атомӣ баррасӣ шуд
ТАЪМИНИ АМНИЯТИ ОЗУҚАВОРӢ. Шумораи гармхонаҳои доимамалкунандаи Тоҷикистон 1028 ададро ташкил медиҳад
Ҳамкории Бонки миллии Тоҷикистон бо Хазинаи байналмилалии асъор тавсеа меёбад
Дар Душанбе масъалаи ҳамкории Тоҷикистон бо шарикони рушд дар соҳаи обрасонӣ ва санитария баррасӣ шуд
Кишоварзони Тоҷикистон дар майдони беш аз 180 ҳазор гектар пунбадона кишт намудаанд
Дар Тоҷикистон низоми электронии E-PERMIT ба кор дароварда шуд
