Байни Осорхонаи миллии Тоҷикистон ва Осорхонаи давлатии таърихи сиёсии Русия созишномаи ҳамкорӣ ба имзо расид
ДУШАНБЕ, 27.05.2023/АМИТ «Ховар»/. Дар шаҳри Санкт-Петербурги Федератсияи Русия байни Муассисаи давлатии «Осорхонаи миллӣ»-и Дастгоҳи иҷроияи Президенти Ҷумҳурии Тоҷикистон ва «Осорхонаи давлатии таърихи сиёсии Русия» Созишномаи ҳамкорӣ ба имзо расид, хабар медиҳад АМИТ «Ховар» бо истинод ба Осорхонаи миллии Тоҷикистон.
Тавре сардори шуъбаи экскурсионӣ ва оммавии Осорхонаи миллии Тоҷикистон Фариддун Кенҷаев тазаккур дод, санади мазкурро дар як нишасти тантанавӣ директори Муассисаи давлатии «Осорхонаи миллӣ»-и Дастгоҳи иҷроияи Президенти Ҷумҳурии Тоҷикистон Зафаршо Иброҳимзода ва иҷрокунандаи вазифаи Директори «Осорхонаи давлатии таърихи сиёсии Русия» Елена Лисенко ба имзо расониданд.
Дар доираи ин Созишнома нахустин намоиши муштарак дар аввали соли 2024 ба нақша гирифта шудааст. Бо мақсади омодагии ин намоиш, ки бахшида ба 80-солагии озодшавии шаҳри Ленинград аз фашизм ва саҳми Тоҷикистон дар он баргузор мегардад, ҳайати кормандони Муассисаи давлатии «Осорхонаи миллӣ» дар шаҳри Санкт Петербурги Русия қарор доранд.
Дар созишномаи мазкур масъалаҳои таҳкими равобити фарҳангӣ, табодули таҷрибаи осорхонавӣ, тармиму таҳкими ашёи нодир, таҳия ва чоп намудани феҳристи ёдгориҳои нодир, ташкил ва баргузор намудани намоишҳои муваққатӣ, омода намудани мутахассисон дар соҳаи тармиму консерватсия ва дигар самтҳои муҳимми фаъолияти осорхонавӣ пешбинӣ гардидаанд.
Имзои созишномаи мазкур имкон медиҳад, то ҳамкорӣ дар бахшҳои гуногун байни ду осорхона тақвият ёфта, ба воситаи ташкилу баргузор намудани намоишу чорабиниҳои гуногун шаҳрвандони Тоҷикистону Русия аз таъриху фарҳанги ҳамигар боз ҳам бештар огоҳ карда шаванд.
АКС: Осорхонаи миллии Тоҷикистон
«БО ҲАМ». Дар Осорхонаи миллӣ намоиши асарҳои рассомони муосири тоҷик оғоз шуд
Муовини вазири корҳои хориҷии Ҷумҳурии Мардумии Чин Қалъаи Ҳисорро тамошо намуд
Чор иншооти муҳими шаҳри қадимии Панҷакент барқарор карда шуд
Дар Институти физикаю техника озмоишгоҳи замонавӣ ба истифода дода шуд
Дар мактаби миёнаи № 35-и шаҳри Минск ба номи Домулло Азизов барномаи фарҳангӣ доир шуд
Дар пояи муҷассамаи Ҳаким Абулқосим Фирдавсӣ дар шаҳри Рими Италия аз номи Пешвои миллат Эмомалӣ Раҳмон гулчанбар гузошта шуд
Дар Душанбе конференсияи байналмилалии «Густариши ҳамкории мамлакатҳои Осиёи Марказӣ дар бахши обу энергетика» идома меёбад
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
