«БЕҲТАРИН БАРНОМАСОЗ». Дар Душанбе бори аввал чунин озмун гузаронида шуд
ДУШАНБЕ, 15.05.2023 /АМИТ «Ховар»/. 12 май дар Донишгоҳи давлатии молия ва иқтисоди Тоҷикистон байни донишҷӯёни муассисаҳои таҳсилоти олии касбии мамлакат таҳти унвони «Беҳтарин барномасоз» озмуни ҷумҳуриявӣ доир гардид, ки дар он донишҷӯёни Донишгоҳи миллии Тоҷикистон сазовори ҷойҳои ифтихорӣ гардиданд. Дар ин хусус ба АМИТ «Ховар» дар донишгоҳи номбурда хабар доданд.
Озмун аз рӯйи 2 номинатсия: барномасозӣ ва лоиҳаҳои инноватсионӣ доир гардид, ки дар он донишҷӯёни факултети механикаю математика Қурбоналӣ Дустматзода аз рӯйи номинатсияи барномасозӣ сазовори ҷойи 2-юм ва Некрӯз Раҳимов аз рӯи номинатсияи лоиҳаҳои инноватсионӣ сазовори ҷойи 1-ум гардид.
Гуфта мешавад, ки озмуни «Беҳтарин барномасоз» бори аввал доир гардида, дар он 14 муассисаи таҳсилоти олии касбии мамлакат иштирок дошт.
Озмун ба Барномаи давлатии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» бахшида шуда, ба татбиқу тайёр намудани донишҷӯён барои иштирок дар Озмуни ҷумҳуриявии «Илм-фурӯғи маърифат» ва ба ин восита баланд бардоштани маҳорати истифодаи технологияҳои иттилоотӣ дар раванди фаъолияти илмӣ ва таълимӣ, дарёфти чеҳраҳои нав дар самти технологияҳои иттилоотӣ ва дар амал татбиқ намудани бандҳои Консепсияи иқтисодиёти рақамӣ дар Ҷумҳурии Тоҷикистон ва ташаккули ҳукумати электронӣ равона карда шудааст.
АКС: Донишгоҳи миллии Тоҷикистон
Донишгоҳи байналмилалии сайёҳӣ ва соҳибкории Тоҷикистон дар 9 моҳи соли 2025 фаъолияти назаррас дошт
Хонандагони Хуҷанд ба омӯзиши нозукиҳои илми робототехника ва зеҳни сунъӣ фаро гирифта шуданд
35-СОЛАГИИ ИСТИҚЛОЛИ ДАВЛАТӢ. Дар Панҷакент иншооти нави таълимӣ ва варзишӣ ба истифода дода шуд
Ректори Академияи хоҷагии халқ ва хизмати давлатии Русия бо фаъолияти Академияи идоракунии давлатии назди Президенти Ҷумҳурии Тоҷикистон шинос шуд
ТОҶИКИСТОН ДАР САРХАТИ ТАШАББУСҲОИ ҶАҲОНӢ. Андешаҳо дар мавриди қабули қатъномаи таърихии Тоҷикистон оид ба зеҳни сунъӣ дар Маҷмаи Умумии СММ
УФУҚҲОИ ДӮСТӢ. Дар Тоҷикистон 71 муассисаи таҳсилоти миёнаи умумӣ бо забони русӣ фаъолият дорад
Дар муассисаҳои олии Тоҷикистон 244 шаҳрванди Федератсияи Русия таҳсил доранд
Федератсияи Русия ба муассисаҳои таълимии Тоҷикистон 800 ҳазор нусха китобҳои дарсии забони русӣ мефиристад
28 ҳазор шаҳрвандони Тоҷикистон дар муассисаҳои олии Федератсияи Русия таҳсил доранд
«ФУРӮҒИ СУБҲИ ДОНОӢ КИТОБ АСТ». 434 довталаб ба даври чоруми озмун роҳхат гирифт
Натиҷаҳои озмуни тақсимоти такрории довталабон дар даври сеюми имтиҳонҳои марказонидаи дохилшавӣ эълон гардид
Дар Донишгоҳи давлатии омӯзгории Тоҷикистон Маркази забони кореягӣ ифтитоҳ ёфт
