Бонки миллӣ ба «Баракат молия» барои анҷом додани амалиёти бонкӣ иҷозатнома дод

ДУШАНБЕ, 26.05.2023/АМИТ «Ховар»/. Бо қарори навбатии Раёсати Бонки миллии Тоҷикистон ба Ҷамъияти дорои масъулияти маҳдуди ташкилоти амонатии қарзии хурди «Баракат молия» барои анҷом додани амалиёти бонкӣ бо пули миллӣ ва асъори хориҷӣ иҷозатнома дода шуд.

Тавре  дар  Бонки миллии Тоҷикистон ба АМИТ «Ховар» иттилоъ доданд,  ин тасмим дар асоси  қонунҳои Ҷумҳурии Тоҷикистон «Дар бораи Бонки миллии Тоҷикистон» ва «Дар бораи ташкилотҳои маблағгузории хурд» гирифта  шудааст.

Дар асоси қарори мазкур Департаменти назорати бонкӣ уҳдадор гардидааст, ки дар Феҳристи ташкилотҳои маблағгузории хурд ва идораи низоми пардохт дар маълумотномаи «Рамзҳои мушаххаси бонкии ташкилотҳои қарзии молиявии Ҷумҳурии Тоҷикистон»  сабтҳои марбутаро ворид намояд.

АКС: АМИТ «Ховар»