Бори аввал дар Тоҷикистон ба парвариши моҳии навъи «бестер» хоҷагии «Моҳипарварии Каёнуш»-и ноҳияи Данғара шуруъ менамояд

Май 30, 2023 15:09

ДУШАНБЕ, 30.05.2023. /АМИТ «Ховар»/. Дар ноҳияи Данғара ба рушди моҳипарварӣ таваҷҷуҳи хосса зоҳир гардида, соли 2022 истеҳсоли гўшти моҳӣ 40 тоннаро ташкил дод. Дар се моҳи аввали соли 2023 бошад дар ноҳия 7,5 тонна гўшти моҳӣ истеҳсол шудааст. 26 хоҷагии моҳипарвари ноҳия айни замон дар 30 гектар замин дар ин самт фаъолияти босамар доранд. Кооперативи тиҷоратии «Моҳипарварии Каёнуш» аз ҷумлаи ин хоҷагиҳои моҳипарварист, ки дар он бори аввал дар Тоҷикистон парвариши моҳии навъи «бестер» ба роҳ монда мешавад, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи Данғара.

Ёдовар мешавем, ки Кооперативи тиҷоратии «Моҳипарварии Каёнуш» 26 апрели соли равон бо иштироки Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Данғара ба истифода дода шуд. Баъд аз шиносоӣ бо фаъолияти хоҷагӣ Сарвари давлат ба ҳавзҳо 55 ҳазор моҳича сар доданд.

Роҳбарияти хоҷагии мазкур мақсад гузоштаанд, ки аз ба роҳ мондани парвариши намудҳои гуногуни моҳӣ ба таъсиси ҷойҳои нави корӣ, таъмини афзоиши истеҳсоли маҳсулоти ивазкунадаи воридот мусоидат намуда, содироти онро ба роҳ монда, ба ин васила дар таъмини амнияти озуқаворӣ саҳми назаррас гузоранд. Ҳамчунин онҳо ҳадаф доранд, ки дар оянда ба парвариши беш аз 100 ҳазор моҳӣ машғул шаванд.

Корҳои сохтмонӣ дар ҳавзи моҳипарварӣ соли 2022 дар доираи дастуру супоришҳои Пешвои миллат муҳтарам Эмомалӣ Раҳмон бахшида ба ҷашни 35-солагии Истиқлолияти давлатӣ аз ҷониби соҳибкор Асадулло Исоев оғоз гардида, айни замон ҷиҳати зиёд намудани навъҳои парваришёбандаи моҳӣ ва ба ин васила зиёд кардани истеҳсоли он 5 ҳавз таъсис дода шудааст.

Масоҳати умумии ҳавзҳои моҳипарварӣ 17 гектарро ташкил дода, дар он навъҳои гуногуни моҳӣ парвариш карда мешавад. Дар марҳилаи аввал парвариши 55 ҳазор моҳӣ, аз ҷумла навъҳои моҳии сазан, пешонағафси сафед ва амури сафед ба роҳ монда шудааст. Масъулон нақша доранд, ки дар оянда намуд ва миқдори моҳиро зиёд намоянд.

Мавриди ёдоварист, ки дар се моҳи соли равон дар Тоҷикистон истеҳсоли гӯшти моҳӣ ду баробар афзоиш ёфтааст.

Тибқи иттилои Агентии омори мамлакат, дар семоҳаи аввали соли 2023 дар ҷумҳурӣ ба маблағи қариб 32 млн сомонӣ гўшти моҳӣ истеҳсол гардидааст.

Рухсораи НУР,
АМИТ «Ховар»

АКС: Хадамоти матбуоти Президенти Ҷумҳурии Тоҷикистон/АМИТ «Ховар»

Май 30, 2023 15:09

Хабарҳои дигари ин бахш

Вазири энергетика ва захираҳои об дар чорабинии «Ҳафтаи гузариш ба энергияи «сабз» дар Ҷопон иштирок намуд
Дар Душанбе Анҷумани кории Тоҷикистон ва Беларус доир мешавад
Дар маҷаллаи «Trends» дар хусуси Конфронси оби Созмони Милали Муттаҳид-2023 бо иштироки Тоҷикистон мақола ба нашр расид
Ҷамолиддин Абдуллозода дар якчанд ҷаласаи сатҳи баланди СММ оид ба масъалаҳои тандурустӣ иштирок намуд
Дар хоҷагиҳои деҳқонии ноҳияи Мастчоҳ ҷамъоварии пахта бомаром идома дорад
ИФТИХОРИ ТОҶИКИСТОН! Сомон Маҳмадбеков дар Бозиҳои Осиёии Ханжоу-2022 ба медали тилло шарафёб гардид!
Ба Феҳристи мероси ҷаҳонии ЮНЕСКО ворид гардидани «Бешаи палангон» бозгӯи баланд гардидани мавқеи Тоҷикистон дар раддабандиҳои байналмилалӣ аст
40 нафар занони ҳунарманд соҳиби гранти Раиси шаҳри Хуҷанд шуданд
«МУРАББИИ СОЛИ ТОҶИКИСТОН-2023». Мураббии шаҳри Душанбе Шукрона Мадиева ғолиби даври ҷумҳуриявии озмун гардид
МУБОРАК БОД! Беҳрӯз Хоҷазода дар Бозиҳои Осиёии Ханжоу-2022 соҳиби аввалин медали биринҷӣ гардид!
Дар Хуҷанд Маҷмааи муосири варзишии «Суғд Арена» бунёд мешавад
«ТИЛЛОИ САФЕД». Дар вилояти Хатлон беш аз 93 ҳазор тонна пахта ҷамъоварӣ шуд