Дар машқгоҳи таълимии кӯҳии «Марғоб» машқҳои ротавӣ-тактикӣ бо ҷалби афсарону сарбозон доир гардид
ДУШАНБЕ, 28.02.2023. /АМИТ «Ховар»/. Дар доираи нақшаи чорабиниҳои тайёрии ҷангӣ ва вобаста ба татбиқи амалии Стратегияи миллии муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 дар машқгоҳи таълимии кӯҳии «Марғоб»-и дараи Ромити шаҳри Ваҳдат машқҳои ротавӣ-тактикӣ бо ҷалби афсарону сарбозони ҷузъу томи Бригадаи ҳамлаовари десантии Қӯшунҳои зудамали Қувваҳои Мусаллаҳи мамлакат ва гурӯҳи чорабиниҳои махсуси Қӯшунҳои дохилии Вазорати корҳои дохилӣ ташкил карда шуд.
Тавре дар Вазорати мудофиаи ҷумҳурӣ ба АМИТ «Ховар» хабар доданд, зимни машқҳои навбатӣ ҷузъу томи ҷалбгардида ба он вобаста ба ҳадафу вазифаҳои дар наздашон буда, ки асосан идора намудани амалиёти мусаллаҳона дар минтақаҳои мухталифи кӯҳӣ ва дараву мавзеъҳои касногузарро дар бар мегирад, амал намуда, тибқи матлаби пешбинигардида гӯё бо муайян намудани мавқеи паноҳбурдаи душманони шартӣ дар минтақаҳои кӯҳӣ ва маҳалли аҳолинишин ба амалиёти тактикӣ шуруъ намуд.
Иттилоъ дода шуд, ки ташкили ин гуна машқҳои тактикӣ имкон медиҳад, ки хизматчиёни ҳарбии навъҳои қӯшуни Артиши миллӣ фаъолияти ягонаи корӣ ва мукаммалгардонии сохтори идоракунии муштаракро дар ҳамоҳангӣ тарҳрезӣ намоянд. Ҳамзамон ин гуна машқҳои якҷояи ҳарбӣ воситае аст, ки афсарону аскарони ҷалбгардида бо ҳамдигар табодули донишу таҷриба намуда, баҳри якпорчагии Тоҷикистони соҳибистиқлол ва суботу оромии минтақа омодагӣ мегиранд.
Зимни ҷамъбаст аз ҷониби ҳайати фармондеҳӣ ба афсарону сарбозони фаъол сипосномаву ифтихорнома ва дигар туҳфаҳои хотиравӣ тақдим карда шуд.
АКС: Вазорати мудофиаи Ҷумҳурии Тоҷикистон
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
Дар Норак даври шаҳрии озмуни вилоятии ҳарбӣ-варзишии «Ватанпарвар» ҷамъбаст шуд
32-СОЛАГИИ ҚУВВАҲОИ МУСАЛЛАҲИ ТОҶИКИСТОН. Дӯст доштани Ватанро бо хизмати содиқонаю софдилона ба он собит намоем
