Фаъолияти Маркази таҷрибавӣ ва таълимоти касбии Донишгоҳи техникии Тоҷикистон дар нашрияи «Жэнмин жибао»-и Чин инъикос ёфт
ДУШАНБЕ, 20.05.2023. /АМИТ «Ховар»/. Дар ҳошияи сафари давлатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Чин ва иштирок дар ҳамоиши сатҳи баланд — саммити якуми «Осиёи Марказӣ-Чин» дар нашрияи «Жэнмин жибао» доир ба фаъолияти Маркази таҷрибавӣ ва таълимоти касбии Тоҷикистону Чин — коргоҳи Лубан мақола чоп шуд. Дар ин хусус ба АМИТ «Ховар» дар Донишгоҳи техникии Тоҷикистон ба номи академик М. Осимӣ хабар доданд.
Маркази таҷрибавӣ ва таълимоти касбии Тоҷикистону Чин — коргоҳи Лубан дар заминаи Донишгоҳи техникии Тоҷикистон бунёд гардида, моҳи ноябри соли гузашта мавриди истифода қарор гирифт.
Ин нахустин коргоҳи Лубан дар Осиёи Марказӣ мебошад, ки маҳз дар шаҳри Душанбе ҷиҳати омода намудани мутахассисони ба бозори меҳнат рақобатпазир таъсис ёфтааст.
Ба иттилои муовини ректор оид ба робитаҳои байналмилалии Донишгоҳи техникии Тоҷикистон Шаҳриёр Саъдуллозода, дар заминаи донишгоҳ ва ин устохона сатҳи омода намудани мутахассисон боз ҳам беҳтар мегардад.
«Мо итминон дорем, ки таъсиси ин коргоҳ иқтидори илмии донишгоҳи моро ба сатҳи нав мебарорад. Ба шарофати устохонаи Лубан устодону донишҷӯёни Донишгоҳи техникии Тоҷикистон ба асбобу таҷҳизоти замонавӣ дастрасӣ пайдо карданд, ки аксари он дар минтақаи Осиёи Марказӣ ҳанӯз истифода намешавад. Бо дастгирии шарикони чинӣ, аз ҷумла ҳамкасбони мо аз Донишгоҳи касбии идоракунии шаҳрсозии Тянҷин, мутахассисони сатҳи ҷаҳонӣ дар такмили раванди таълим ва омодасозии кадрҳои ҷавобгӯ ба талаботи бозори меҳнат саҳм гузошта истодаанд»,- гуфтааст Шаҳриёр Саъдуллозода ба нашрияи «Жэнмин жибао».
Шаҳриёр Саъдуллозода иброз доштааст, ки барои азхудкунии сарватҳои табиию маъданӣ ва истифодаи оқилонаи энергияи Офтоб дар оянда Тоҷикистон ба геодезистон, маркшейдерҳо ва мутахассисони соҳаи истифодаи оқилонаи энергияи гармии Офтоб ниёз дорад. Ин аст, ки дар марҳилаи аввал дар коргоҳи Лубан дар Тоҷикистон ду ихтисоси дар боло гуфташуда интихоб карда шуд.
Бо мақсади ба даст овардани натиҷаҳои беҳтари таълим, кӯшишҳои муштараки мутахассисони Донишгоҳи касбии идоракунии шаҳрсозии Тянҷин ва Донишгоҳи техникии Тоҷикистон аз рӯи ихтисосҳои «Технологияи насби қубурҳо барои гармидиҳӣ дар шаҳр» ва «Таҷҳизоти муҳандисии геодезӣ» барномаҳои таълимӣ омода карда шудаанд. Инчунин ҷонибҳо воситаҳои таълимиро бо ду забон: русӣ ва чинӣ таҳия намудаанд.
Ёдовар мешавем, ки «Жэнмин жибао» нашрияи расмии Кумитаи марказии ҳизбии Ҷумҳурии Мардумии Чин ба ҳисоб рафта, доираи васеи хонандагонро фаро мегирад.
АКС: Донишгоҳи техникии Тоҷикистон ба номи академик М.С. Осимӣ
Маркази барномаҳои байналмилалии Тоҷикистон ва Донишгоҳи Сент-Ҷорҷи Гренада ҳамкориро густариш медиҳанд
Намояндаи Академияи миллии илмҳои Тоҷикистон дар ҷаласаи Шуро оид ба ҳамкорӣ дар соҳаи илмҳои бунёдӣ дар Москва иштирок намуд
Дар Коллеҷи омӯзгории шаҳри Душанбе Маркази омӯзиши забони олмонӣ таъсис дода мешавад
Дар Донишгоҳи технологии Тоҷикистон бахшида ба Рӯзи Парчами Тоҷикистон конференсияи илмӣ-амалӣ баргузор шуд
Дар Донишгоҳи давлатии Бохтар ба шарафи Рӯзи Парчами давлатии Тоҷикистон ҳамоиш доир шуд
Намояндагони Донишгоҳи давлатии Кӯлоб дар мусобиқаи ҷумҳуриявӣ 4 медали тилло ба даст оварданд
Дар ҶСК «Шабакаҳои тақсимоти барқ» дар шаҳри Душанбе филиали кафедраи электроэнергетикаи Коллеҷи техникӣ таъсис дода шуд
Байни Донишгоҳи байналмилалии забонҳои хориҷии Тоҷикистон ва Донишгоҳи байналмилалии Остонаи Қазоқистон созишнома ба имзо расид
ИМТИЁЗИ БЕШТАР. Ба 434 довталаби Озмуни ҷумҳуриявии «Фурӯғи субҳи доноӣ китоб аст» Сертификат тақдим мегардад
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
Дар деҳаи Меҳнатободи ноҳияи Кӯшониён муассисаи нави томактабӣ сохта мешавад
Рушди соҳаи таҳсилоти ибтидоӣ ва миёнаи касбӣ бо намояндагони Агентии Корея оид ба ҳамкории байналмилалӣ баррасӣ шуд
