СУПЕРҶОМИ ТОҶИКИСТОН-2023. Имрӯз дастаҳои «Истиқлол» ва «Равшан» дар шаҳри Ҳисор бозӣ менамоянд

ДУШАНБЕ, 06.05.2023 /АМИТ «Ховар»/. Имрӯз, соати 18:00 бозии Суперҷоми Тоҷикистон-2023 байни чемпиони Тоҷикистон-дастаи футболи «Истиқлол»-и шаҳри Душанбе ва дастаи «Равшан»-и шаҳри Кӯлоб дар Варзишгоҳи марказии шаҳри Ҳисор баргузор мегардад. Дар ин хусус шореҳи варзиши АМИТ «Ховар» хабар медиҳад.

Дастаи футболи «Истиқлол»-и шаҳри Душанбе дар ин бозии муҳим ва ҳассос бо либосҳои сурх ба майдон мебарояд. Дастаи футболи «Равшан»-и шаҳри Кӯлоб бо либоси сафед вориди рақобат мешавад.

Хотиррасон мешавем, ки 8 майи соли 2022 дар варзишгоҳи «Талко Арена»-и шаҳри Турсунзода дар ҳузури 5600 тамошобин мусобиқоти 13-уми Суперҷоми Тоҷикистон-2022 байни дастаҳои футболи «Истиқлол»-и шаҳри Душанбе ва «Хуҷанд»-и шаҳри Хуҷанд доир гардида буд.

Дастаҳои футболи «Истиқлол»-и шаҳри Душанбе ва Хуҷанд»-и шаҳри Хуҷанд барои ба даст овардани Суперҷоми Тоҷикистон бозии ҷолиб нишон доданд. Ва бо натиҷаи минималии 1 бар 0 дастаи футболи «Истиқлол»-и шаҳри Душанбе бар дастаи «Хуҷанд»-и шаҳри Хуҷанд зафар ёфта, маротибаи 11-ум барандаи Суперҷоми Тоҷикистон гардид.

Ҳама бозиҳо барои Суперҷоми Тоҷикистон (2010-2022):

2010 – «Вахш» (Қӯрғонтеппа) – «Истиқлол» (Душанбе) – 0:2

2011 – «Истиқлол» (Душанбе) – «Регар-ТадАЗ» (Турсунзода) – 1:0

2012 – «Истиқлол» (Душанбе) – «Регар-ТадАЗ» (Турсунзода) – 2:1

2013 – «Равшан» (Кӯлоб) – «Регар-ТадАЗ» (Турсунзода) – 2:1

2014 – «Равшан» (Кӯлоб) – «Истиқлол» (Душанбе) – 0:5

2015 – «Истиқлол» (Душанбе) – «Хайр» (Ваҳдат) – 2:2. Аз рӯйи силсилаи пеналтӣ – 4:3

2016 – «Истиқлол» (Душанбе) – «Хуҷанд» (Хуҷанд) – 3:2

2017 – «Истиқлол» (Душанбе) – «Ҳосилот» (Фархор) – 1:2

2018 – «Истиқлол» (Душанбе) – «Хуҷанд» (Хуҷанд) – 3:2

2019 – «Истиқлол» (Душанбе) – «Хуҷанд» (Хуҷанд) – 3:0

2020 – «Истиқлол» (Душанбе) – «Хуҷанд» (Хуҷанд) – 2:1

2021 – «Истиқлол» (Душанбе) – «Равшан» (Кӯлоб) – 2:0

2022 – «Истиқлол» (Душанбе) – «Хуҷанд» (Хуҷанд) – 1:0

АКС: Федератсияи футболи Тоҷикистон