Аъзои Раёсати ФБНА бо нишони сарисинагии «30-солагии Фонди байналмилалии наҷоти Арал» сарфароз гардонида шуданд
ДУШАНБЕ, 06.06.2023 /АМИТ «Ховар»/. Имрӯз аъзои Раёсати Фонди байналмилалии наҷоти Арал бо нишони фахрии «30-солагии Фонди байналмилалии наҷоти Арал» сарфароз гардонида шуданд, иттилоъ медиҳад хабарнигори АМИТ «Ховар».
Сарвазири Ҷумҳурии Тоҷикистон Қоҳир Расулзода ба муовини аввали Сарвазири Ҷумҳурии Қазоқистон Роман Скляр, мушовири Президенти Ҷумҳурии Узбекистон Шуҳрат Ғаниев, муовини Раиси Девони вазирони Туркманистон Аннагелдӣ Язмирадов ва дигар аъзои ҳайати мушовара ҷоизаҳоро супорид.
Бояд тазаккур дод, ки имрўз дар Душанбе Конфронси байналмилалӣ дар мавзуи «Осиёи Марказӣ ба сӯи ояндаи устувор тавассути институти минтақавии пуриқтидор» бахшида ба 30-умин солгарди таъсиси Фонди байналмилалии наҷоти Арал баргузор шуд, ки дар он масъалаҳои муҳими марбут ба идоракунии захираҳои обӣ дар минтақаи Осиёи Марказӣ муҳокима гардиданд.
Тавре қаблан АМИТ «Ховар» иттилоъ дод, аз 5 то 7 июни соли равон дар Душанбе ҷаласаи Раёсати Фонди байналмилалии наҷоти Арал /ФБНА/ ва Конфронси байналмилалӣ таҳти унвони «Осиёи Марказӣ ба сӯи ояндаи устувор тавассути институти минтақавии пуриқтидор» баргузор мегардад.
Ёдовар мешавем, ки Фонди байналмилалии наҷоти Арал соли 1993 аз ҷониби сарони давлатҳои Осиёи Марказӣ таъсис дода шудааст ва соли равон аз фаъолияти он 30 сол сипарӣ гардид. Муассисони фонд Қазоқистон, Қирғизистон, Тоҷикистон, Туркманистон ва Узбекистон мебошанд.
Ёдовар мешавем, ки Ҷаласаи 5-уми Машваратии Сарони давлатҳои Осиёи Марказӣ ва Ҷаласаи Шӯрои сарони давлатҳои муассиси Фонди байналмилалии наҷоти Арал 14-15 сентябри соли 2023 дар шаҳри Душанбе баргузор мегардад.
АКС: АМИТ «Ховар»
Ташаббусҳои байналмилалии Тоҷикистон дар мавзуи обу иқлим баланд арзёбӣ гардиданд
Дар Душанбе конфронси байналмилалӣ оид ба мубориза бо терроризм доир шуд
Дар Душанбе машваратҳои сиёсии Тоҷикистон ва Туркманистон баргузор шуданд
Сафири Тоҷикистон бо Раиси Палатаи савдо ва саноати Абузабӣ мулоқот намуд
Масъалаи сармоягузорӣ байни Тоҷикистон ва Арабистони Саудӣ баррасӣ гардид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
Таҷлили Рӯзи Президенти Ҷумҳурии Тоҷикистон дар шаҳри Москва
Сафири Тоҷикистон бо Вазири энергетика ва инфрасохтори Амороти Муттаҳидаи Араб мулоқот намуд
Сафири Тоҷикистон бо Вазири тағйирёбии иқлим ва муҳити зисти Амороти Муттаҳидаи Араб мулоқот намуд
Таҷлили Рӯзи Президенти Тоҷикистон ва солгарди Иҷлосияи XVI Шурои Олӣ дар шаҳри Бокуи Озарбойҷон
Таҷлили Рӯзи Президенти Ҷумҳурии Тоҷикистон дар Туркманистон
Дар Кувайт ҷашнҳои давлатӣ ва муҳими Тоҷикистон таҷлил карда шуданд
