«Бухоро» ғолиби Озмуни «Беҳтарин тарабхона дар шаҳри Душанбе» гардид
ДУШАНБЕ, 08.06.2023. /АМИТ «Ховар»/. 6 июн бо ташаббуси Мақомоти иҷроияи ҳокимияти давлатии шаҳри Душанбе даври шаҳрии Озмуни «Беҳтарин тарабхона дар шаҳри Душанбе» ҷамъбаст гардид. Ғолиби озмуни мазкур тарабхонаи «Бухоро» дониста шуда, бо ҷоизаи пулӣ, ҷом ва диплому туҳфаҳои хотиравии Мақомоти иҷроияи ҳокимияти давлатии шаҳри Душанбе сарфароз гардонида шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Душанбе хабар медиҳад.
Дар натиҷаи ҷамъбасти озмуни зикршуда, намояндагони тарабхонаҳои «Форел», «Оилавӣ», «Шарбат» ва «Дидор» барои иштироки фаъолона бо Сипоснома ва туҳфаҳои хотиравии Мақомотҳои иҷроияи ҳокимияти давлатии ноҳияҳои шаҳри Душанбе ҳавасманд гардиданд.
Бояд гуфт, ки дар озмун Тоҷиддин Ҷалолов дар номинатсияи «Беҳтарин мененҷер», Кристина Курочкина дар номинатсияи «Беҳтарин пешхизмат», Шавкат Ғаниев дар номинатсияи «Беҳтарин ошпаз» ва тарабхонаи Форел дар номинатсияи «Беҳтарин хӯроки хоси тарабхона» ғолиб дониста шуда, бо ҷоизаҳои пулӣ ва Сипоснома ва туҳфаҳои хотиравии Мақомоти иҷроияи ҳокимияти давлатии шаҳри Душанбе қадрдонӣ карда шуданд.
Дар чорабинӣ муовини Раиси шаҳри Душанбе Абдураҳмон Абдураҳмонзода гуфт, ки ҳадаф аз роҳандозӣ намудани озмуни мазкур ин баланд бардоштани сатҳу сифати хизматрасонӣ ба мизоҷон ва сокинону меҳмонони пойтахт ва сайёҳон мебошад.
«Озмуни мазкур дар асоси Қарори Раиси шаҳри Душанбе аз 17 январи соли 2022 «Дар бораи ташкил ва гузаронидани Озмуни «Беҳтарин тарабхонаи шаҳри Душанбе» бо мақсади рушду равнақи соҳибкорӣ, дастгириву ҳавасмандгардонии соҳибкорон ва муаррифии фарҳанги меҳмоннавозӣ ташкил гардидааст», -илова кард номбурда.
Дар асоси Низомномаи озмун, тарзи дастархонороӣ, хизматрасонии пешхизмат, муносибати пешхизматону масъулини тарабхонаҳо бо мизоҷон, тарзи дурусти оро додани дастархон бо маҳсулоти хӯрока ва истифодаи санъати баланди ороишӣ, ғояҳои мухталифи сарошпаз ва дигар нишондодҳо ба инобат гирифта шуда, ҳамзамон муҳити тарабхона низ бояд хушоянду дилписанд бошад.
Тарабхонаҳое, ки дар даври ноҳиявии Озмуни «Беҳтарин тарабхона дар шаҳри Душанбе» ғолиб гардида буданд, ба даври шаҳрии он роҳхат гирифтанд.
АКС: Мақомоти иҷроияи ҳокимияти давлатии шаҳри Душанбе
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
НАҚШИ РУСТАМИ ЭМОМАЛӢ ДАР ТАШАККУЛИ СИМОИ НАВИ ПОЙТАХТИ ТОҶИКИСТОН. Ба Рӯзи пойтахти Ҷумҳурии Тоҷикистон бахшида мешавад
Пагоҳ дар Душанбе ниммарафони XVI байналмилалӣ баргузор мегардад
ДУШАНБЕ — ШАҲРИ ҲУШМАНД ВА БЕХАТАР. Ба Рӯзи пойтахти Ҷумҳурии Тоҷикистон бахшида мешавад
Рӯзи пойтахти Ҷумҳурии Тоҷикистон – шаҳри Душанбе таҷлил мегардад
ДУШАНБЕ — МАРКАЗИ ТАШАККУЛИ ҲУВИЯТИ МИЛЛӢ ВА ЭҲЁИ АРЗИШҲОИ ФАРҲАНГӢ. Ба Рӯзи пойтахти Тоҷикистон эҳдо мегардад
