Дар Бадахшон 26-умин солгарди Ваҳдати миллӣ дар фазои тантанавӣ истиқбол гирифта шуд
ДУШАНБЕ, 24.06.2023. /АМИТ «Ховар»/. Шоми дирӯз дар Боғи фарҳангӣ — фароғатии шаҳри Хоруғ бо иштироки муовини Сарвазири Ҷумҳурии Тоҷикистон Матлубахон Сатториён, роҳбарияти Вилояти Мухтори Кӯҳистони Бадахшон ва меҳмонон аз минтақаҳои дигари мамлакат чорабинии идона ба муносибати 26-умин солгарди Ваҳдати миллӣ доир гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар медиҳад.
Нахуст ҳайати меҳмонон бо намунаи ҳунарҳои мардумӣ ва маҳсулоти кишоварзӣ дар намоишгоҳи ҳунармандони вилоят шинос шуда, ба маҳсули кори онҳо ва деҳқононии шаҳру ноҳияҳои вилоят баҳои баланд доданд.
Муовини Сарвазири Ҷумҳурии Тоҷикистон Матлубахон Сатториён Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро ба муносибати Рӯзи Ваҳдати миллӣ ба сокинону меҳмонони вилоят ва иштирокчиёни чорабинӣ расонид.
Матлубахон Сатториён таъкид намуд, ки Ваҳдати миллӣ ҳамчун омили муттаҳидсозанда имкон фароҳам овард, ки бо истифода аз арзишҳои аҷдодӣ ва ҷаҳонӣ дар мамлакат таҳкурсии қавии ташаккули ҷомеаи шаҳрвандӣ гузошта шуда, барои беҳтар гардидани сатҳу сифати зиндагии мардум, ободии Ватан ва ояндаи давлати соҳибистиқлол заминаи мусоид муҳайё гардад.
Дар ҷамъомад гуфта шуд, ки бо шарофати соҳибистиқлолӣ ва пойи қудуми мубораки Пешвои миллат муҳтарам Эмомалӣ Раҳмон сулҳу ҳамдигарфаҳмӣ, ваҳдати миллӣ дар ҷумҳурӣ танинандоз гардида, имрўзҳо мардум дар пайи ободии Ватан ҳастанд.
Барномаи фарҳангӣ бо иштироки беҳтарин санъаткорони ҷумҳурӣ ва вилоят анҷомбахши чорабинии идона гардид.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
Байни нашрияи «Народная газета» ва Медиакорпоратсияи Чин Ёддошти ҳамкорӣ ба имзо расид
Дар Санкт-Петербург Ассамблеяи XIX генералии Созмони агентиҳои иттилоотии кишварҳои Осиё ва Уқёнуси Ором баргузор шуд
