Дар Суғд маросими савгандёдкунии наваскарони қисми ҳарбии Кумитаи ҳолатҳои фавқулода ва мудофиаи гражданӣ баргузор гардид
ДУШАНБЕ, 07.06.2023. /АМИТ «Ховар»/. Имрӯз дар яке аз қисмҳои ҳарбии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд маросими савгандёдкунии навдаъватшавандагон баргузор гардид. Дар ин хусус АМИТ «Ховар» бо истинод ба маркази матбуоти Раиси шаҳри Гулистон хабар медиҳад.
Дар маросими мазкур роҳбариятҳои Кумитаи ҳолатҳои фавқулода ва мудофиаи гражданӣ, шаҳри Гулистон ва намояндагони мақомоти ҳифзи ҳуқуқ, шахсони масъули қисми низомӣ, волидайни наваскарон, донишҷӯёни Коллеҷи тиббии шаҳри Гулистон ва хонандагони муассисаҳои таълимии шаҳр иштирок намуданд.
Маросими савгандёдкунии наваскарон бо пешниҳоди гузориш ва садо додани Суруди миллии Ҷумҳурии Тоҷикистон оғоз гардида, дар фазои тантанавӣ наваскарони қисми ҳарбӣ савганди садоқат ба халқу Ватанро қабул намуданд.
Таъкид карда шуд, ки Қувваҳои Мусаллаҳи мамлакат дар як давраи ҳассос арзи вуҷуд намуда, дар муддати на чандон тӯлонӣ аз санҷишҳои ҷиддӣ гузашта, такомул ва обутоб ёфтааст. Ҳоло Қувваҳои Мусаллаҳ ҳамчун неруи тавоно, муҷаҳҳаз ва муташаккил амнияти давлат ва осоиши давлатро таъмин менамояд.
Гуфта шуд ки таҳти сарварии хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ташкил ва ба вуҷуд овардани заминаи сиёсиву ҳуқуқии сохтори ҳарбии ҷумҳурӣ муваффақ шудем.
Сипас роҳбарият бо падару модарони наваскарон доир ба шарту шароити хизмати ҳарбӣ дар қисми ҳарбӣ ва аз дастгириҳои пайвастаи Ҳукумати мамлакат доир ба ин соҳа суҳбатҳо доир карда шуд. Волидайн аз вазъи қисми ҳарбӣ дидан намуданд.
Дар фарҷоми чорабинӣ санъаткорони бахши фарҳанги Мақомоти иҷроияи ҳокимияти давлатии шаҳри Гулистон барномаи рангини фарҳангиро манзури сарбозону афсарон намуда, ҳамчунин барои онҳо дастархони идона ороста шуд.
АКС: Маркази матбуоти Раиси шаҳри Гулистон
Вобаста ба лоиҳаи Қонуни Ҷумҳурии Тоҷикистон «Дар бораи политсия» ҷаласа баргузор шуд
Вобаста ба вазъияти фавқулода, низоъҳо ва ҳамоҳангии иҷтимоӣ конференсияи илмӣ-амалӣ баргузор шуд
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Дар шаҳри Кӯлоб бо иштироки гурӯҳҳои корӣ ҷаласа баргузор шуд
Прокуратураи генералӣ: «Худ ва наздиконатонро аз ҳамлаҳои хакерӣ эмин нигоҳ доред!»
Дар шаҳри Москва бо афсарону курсантони тоҷик вохӯрӣ доир шуд
Ҷаласаи кумитаи роҳбарикунандаи Барномаи Раёсати СММ оид ба маводи нашъаовар ва ҷинояткорӣ дар Осиёи Марказӣ доир шуд
Нақшаи даъвати тирамоҳии шаҳрвандон ба сафи Қувваҳои мусаллаҳи Тоҷикистон пурра иҷро гардид
Ҷаласаи мушовараи Вазорати корҳои дохилии Тоҷикистон ва Русия баргузор гардид
Дар Вазорати корҳои дохилии Тоҷикистон бахшида ба Рӯзи Президент ҳамоиши идона доир гардид
САВГАНДИ ҲАРБӢ. Дар қисмҳои ҳарбии Кумитаи ҳолатҳои фавқулода ва мудофиаи гражданӣ маросими қасамёдкунӣ доир шуд
