«КОРВОНИ ЗИДДИМУХАДДИРОТӢ — 2023». Дар Кӯлоб зимни баргузории ин чорабинӣ наврасонро аз оқибати фоҷеабори истифодаи маводи нашъаовар огоҳ намуданд
ДУШАНБЕ, 08.06.2023. /АМИТ «Ховар»/. Чорабинии «Корвони зиддимухаддиротӣ-2023», ки бо ташаббуси Агентии назорати маводи нашъаовари назди Президенти Ҷумҳурии Тоҷикистон дар якҷоягӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон роҳандозӣ гардидааст, 7 июни соли равон кори худро дар шаҳри Кӯлоб идома дод, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Кӯлоб.
Тибқи нақшаи чорабинии мазкур, мусобиқаи варзишӣ оид ба гўштини тарзи озод, ки тайи 2 рӯз байни варзишгарони муассисаҳои варзишии шаҳри Кӯлоб дар вазнҳои гуногун доир карда шуд, ҷамъбаст гардид.
Ҳамин тариқ, бо натиҷагирӣ аз мусобиқа ғолибон бо ҷоиза, Сипоснома ва туҳфаҳои арзишманд аз ҷониби ташкилкунандагон қадрдонӣ карда шуданд.
Баҳри болидарўҳии иштирокдорон барномаи консертии бахши фарҳанги шаҳри Кӯлоб пешниҳод гардид.
Чорабинии мазкур дар Маркази ҷавонони шаҳр бо иштироки намояндагони мақомоти иҷроияи ҳокимияти давлатии шаҳри Кӯлоб, КИ ҲХДТ дар шаҳри Кӯлоб, мақомоти ҳифзи ҳуқуқ, кумита ва идораҳои дахлдор, устодону хонандагони муассисаҳои таълимӣ ва варзишгарони шаҳр доир гашт.
Муовини раиси шаҳри Кӯлоб Орзу Ҳамидиён иброз дошт, ки шуғл варзидан ба варзиш воситаи беҳтарини эмин мондани наврасону ҷавонон аз ҳар гуна падидаҳои номатлуб, аз ҷумла нашъамандӣ мебошад.
«Имрўзҳо дар мамлакат, аз ҷумла дар шаҳри Кӯлоб беҳтарин муассиса ва майдончаҳои варзишӣ дар хизмати сокинон қарор доранд. Наврасонро зарур аст, ки аз ин шароити фароҳамшуда самаранок истифода бурда, вақти худро босамар гузаронанд. Ҳам ба саломатии худ фоида биёранд ва ҳам бо натиҷаҳои хуби варзишӣ шарафи Тоҷикистонро дар арсаи ҷаҳонӣ боло баранд»,- афзуд номбурда.
Намояндаи Агентии назорати маводи нашъаовари назди Президенти Ҷумҳурии Тоҷикистон иброз намуд, ки ҳадафи асосии чорабинии мазкур огоҳонидани сокинон, бахусус ҷавонону наврасони ҷумҳурӣ аз падидаҳои номатлуб, алалхусус нашъамандӣ, ҷалб намудани онҳо ба варзиш, баланд бардоштани маълумотнокии аҳолӣ оид ба зарару оқибати фоҷеабори истифодаи маводи нашъаовар дар ҷомеа мебошад.
Дар чорабинӣ таъкид гардид, ки таъсири манфии ин падидаи номатлуб метавонад ба тамоми табақаи ҷомеа зарар расонад, аз ин рӯ дар якҷоягӣ бо дигар мақомоти марбута ҳамкории самараноки худро дар самти пешгириии нашъамандӣ ва муомилоти ғайриқонунии маводи нашъаовар боз ҳам тақвият бахшидан зарур мебошад.
АКС: Мақомоти иҷроияи ҳокимияти давлатии шаҳри Кӯлоб
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
